⠀
وبلىس ەكٸمٸ دانيال احمەتوۆتىڭ ايتۋىنشا «باقىتتى وتباسى» باعدارلاماسى اياسىندا قالالار مەن اۋدان ورتالىقتارىندا تۇراتىن كٶپبالالى وتباسىلار تٶمەندەتٸلگەن 2% ٷستەمەمەن نەسيە رەسٸمدەي الادى.
"تۇرعىن ٷي قۇرىلىس جيناق بانكٸ تاراپىنان ماقۇلدانعان جاعدايدا, العاشقى جارناسىن سالۋعا مٷمكٸندٸگٸ جوق جانۇيالارعا كوميسسييا شەشٸمٸمەن جارنا قۇنىن بەرەمٸز", – دەيدٸ ٶڭٸر باسشىسى.
⠀
ايتا كەتەيٸك, بۇل باعدارلاما ارقاسىندا شىعىس قازاقستاننىڭ اۋىلدىق جەرلەرٸندە ٷي كەزەگٸندە تۇرعان 236 كٶپبالالى وتباسى باسپانالى بولدى.
9 تامىز ٷرجار اۋدانىنا جاساعان جۇمىس ساپارى بارىسىندا دانيال احمەتوۆ كٶپبالالى انا گٷلجانار سەربيەۆانى جاڭا قونىسىمەن قۇتتىقتاعان بولاتىن.
التى بالانى باعىپ-قاعىپ وتىرعان تەربيەلەپ وتىرعان گٷلجانار سەربيەۆانىڭ جولداسى دەنساۋلىعىنا بايلانىستى جۇمىسقا جارامسىز ەكەن.
"كٷمٸس القالى" انا باسپانالى بولۋدى كٶپتەن بەرٸ ارمانداعان. 13 جىل بويى پەتەر جالداپ تۇرعان جانۇياعا ٶز اۋلاسى, باۋ - باقشاسى بار باسپانا بەرٸلدٸ.
جالپى ٷرجار اۋدانىندا بيىل 20 كٶپبالالى وتباسى وسى باعدارلامانىڭ جەمٸسٸن كٶرٸپ, ٷيلٸ بولدى. اۋدانىنداعى بەرەكەلٸ ٸس مۇنىمەن توقتامايدى. بيىل تاعى 30 وتباسىنىڭ تٷتٸنٸن تٷزەتۋ جوسپارلانعان.
