⠀
Облыс әкімі Даниал Ахметовтың айтуынша «Бақытты отбасы» бағдарламасы аясында қалалар мен аудан орталықтарында тұратын көпбалалы отбасылар төмендетілген 2% үстемемен несие рәсімдей алады.
"Тұрғын үй құрылыс жинақ банкі тарапынан мақұлданған жағдайда, алғашқы жарнасын салуға мүмкіндігі жоқ жанұяларға комиссия шешімімен жарна құнын береміз", – дейді өңір басшысы.
⠀
Айта кетейік, бұл бағдарлама арқасында Шығыс Қазақстанның ауылдық жерлерінде үй кезегінде тұрған 236 көпбалалы отбасы баспаналы болды.
9 тамыз Үржар ауданына жасаған жұмыс сапары барысында Даниал Ахметов көпбалалы ана Гүлжанар Сәрбиеваны жаңа қонысымен құттықтаған болатын.
Алты баланы бағып-қағып отырған тәрбиелеп отырған Гүлжанар Сәрбиеваның жолдасы денсаулығына байланысты жұмысқа жарамсыз екен.
"Күміс алқалы" ана баспаналы болуды көптен бері армандаған. 13 жыл бойы пәтер жалдап тұрған жанұяға өз ауласы, бау - бақшасы бар баспана берілді.
Жалпы Үржар ауданында биыл 20 көпбалалы отбасы осы бағдарламаның жемісін көріп, үйлі болды. Ауданындағы берекелі іс мұнымен тоқтамайды. Биыл тағы 30 отбасының түтінін түзету жоспарланған.
