Jańadan salynǵan «Mádenıet úıinde» úlken konsert zaly men kitaphana jumys isteıdi. Ónerpazdardyń daıyndyq jumystaryn júrgizýine ǵımarat óte qolaıly. Zaman talabyna saı horeografıa zaly da bar.
«Mádenıt úıiniń» ashylýyna qatysqan oblys ákimi Danıal Ahmetov óner ordasymen tanysyp, atqarylǵan jumystarǵa baǵasyn berdi.
– Aýyldy jerde boı kótergen osyndaı «Mádenıet úıleri» elimizdiń rýhanı keńistigin keńeıtip, jastardy otanshylydyq qasıetke tárbıleıtini anyq. Budan bylaı aýyl balalar «Mádeneı úıine» kelip kitap oqyp, túrli úıirmelerge qatysyp, ózderiniń oı-órisin keńeıte túsetin bolady. Aldaǵy ýaqytta osyndaı eńseli ǵımarattar oblysymyzdy ózge de aýyldarynda kóptep salynatyn bolady, – dedi Danıal Ahmetov.
Oblys ákimi óner ordasyn tamashalap bolǵannan keıin Baqyrshy taý-ken óndirisi kombınatyna baryp, jumysymen tanysty. Oblys ákimi jurtshylyqpen kezdesýdi jańa kásiporynda jumys isteıtin jumysshylardyń arnaıy ortalyqtardy bilim alyp, biliktiligin jetildiretinin alǵa tartty.
Aldaǵy ýaqytta oblystyq ákimdik «Bir qabatty Shyǵys» jobasy aıasynda jumysshylarǵa arnap turǵyn úıler salmaqshy. Bul jaıynda oblys ákimi oıyn bylaısha sabaqtady:
– Qazir Baqyrshy taý-ken óndirisi kombınatynda jumys isteıtin 400-den astam azamat vahtalyq negizde jumys isteıtinin bilemiz. Aldaǵy ýaqytta kásiporynǵa jaqyn jerde jumysshylar aýylyn salyp, eńbekkerlerdiń alańsyz jumys isteýine jaǵdaı jasaımyz, – dedi Danıal Ahmetov.
Oblys ákimi Jarma aýdanyna jasaǵan jumys saparynyń qorytyndysynda «Shalbaı» sharýaqojalyǵyna at basyn buryp, kanadalyq tehnologıa boıynsha buqashyqtardy bordaqylap otyrǵan sharýanyń jumysymen tanysty.
