جاڭادان سالىنعان «مادەنيەت ۇيىندە» ۇلكەن كونسەرت زالى مەن كىتاپحانا جۇمىس ىستەيدى. ونەرپازداردىڭ دايىندىق جۇمىستارىن جۇرگىزۋىنە عيمارات وتە قولايلى. زامان تالابىنا ساي حورەوگرافيا زالى دا بار.
«مادەنيت ءۇيىنىڭ» اشىلۋىنا قاتىسقان وبلىس اكىمى دانيال احمەتوۆ ونەر ورداسىمەن تانىسىپ، اتقارىلعان جۇمىستارعا باعاسىن بەردى.
– اۋىلدى جەردە بوي كوتەرگەن وسىنداي «مادەنيەت ۇيلەرى» ەلىمىزدىڭ رۋحاني كەڭىستىگىن كەڭەيتىپ، جاستاردى وتانشىلىدىق قاسيەتكە تاربيلەيتىنى انىق. بۇدان بىلاي اۋىل بالالار «مادەنەي ۇيىنە» كەلىپ كىتاپ وقىپ، ءتۇرلى ۇيىرمەلەرگە قاتىسىپ، وزدەرىنىڭ ءوي-ورىسىن كەڭەيتە تۇسەتىن بولادى. الداعى ۋاقىتتا وسىنداي ەڭسەلى عيماراتتار وبلىسىمىزدى وزگە دە اۋىلدارىندا كوپتەپ سالىناتىن بولادى، – دەدى دانيال احمەتوۆ.
وبلىس اكىمى ونەر ورداسىن تاماشالاپ بولعاننان كەيىن باقىرشى تاۋ-كەن ءوندىرىسى كومبيناتىنا بارىپ، جۇمىسىمەن تانىستى. وبلىس اكىمى جۇرتشىلىقپەن كەزدەسۋدى جاڭا كاسىپورىندا جۇمىس ىستەيتىن جۇمىسشىلاردىڭ ارنايى ورتالىقتاردى ءبىلىم الىپ، بىلىكتىلىگىن جەتىلدىرەتىنىن العا تارتتى.
الداعى ۋاقىتتا وبلىستىق اكىمدىك «ءبىر قاباتتى شىعىس» جوباسى اياسىندا جۇمىسشىلارعا ارناپ تۇرعىن ۇيلەر سالماقشى. بۇل جايىندا وبلىس اكىمى ويىن بىلايشا ساباقتادى:
– ءقازىر باقىرشى تاۋ-كەن ءوندىرىسى كومبيناتىندا جۇمىس ىستەيتىن 400-دەن استام ازامات ۆاحتالىق نەگىزدە جۇمىس ىستەيتىنىن بىلەمىز. الداعى ۋاقىتتا كاسىپورىنعا جاقىن جەردە جۇمىسشىلار اۋىلىن سالىپ، ەڭبەككەرلەردىڭ الاڭسىز جۇمىس ىستەۋىنە جاعداي جاسايمىز، – دەدى دانيال احمەتوۆ.
وبلىس اكىمى جارما اۋدانىنا جاساعان جۇمىس ساپارىنىڭ قورىتىندىسىندا «شالباي» شارۋاقوجالىعىنا ات باسىن بۇرىپ، كانادالىق تەحنولوگيا بويىنشا بۇقاشىقتاردى بورداقىلاپ وتىرعان شارۋانىڭ جۇمىسىمەن تانىستى.
