Arada az ýaqyt ótken soń Atyraýǵa saparynda «Elimizdiń ataýynda Ortalyq Aziianyń basqa da elderindegi siiaqty "stan" degen jalǵaý bar. Sheteldikter nebári eki million halqy bar Mońǵoliiaǵa qyzyǵýshylyq tanytady. Biraq onyń ataýynda "stan" jalǵaýy joq. Múmkin, ýaqyt óte kele memleket ataýyn "Qazaq eli" dep ózgertý kerek shyǵar. Biraq muny aldymen mindetti túrde halyqtyń talqysyna salǵan jón" degen bolatyn. Bul óz kezeginde Qazaqstandyqtardyń jappai qoldaýyna ie bolǵan edi. Alaida, paralmenttik minbede talqylaýǵa jetpedi.
Endi, Telibekov oida-joqta daýryǵyp, eldiń atyn "Danyshpan el" dep ózgerteiik depti. Elimizdiń musylman odaǵy men azamattar quqyǵy boiynsha Ortalyq Aziianyń Musylman komitteti úkimetke Qazaqstan ataýynyń ózgerýi jóninde usynys jiberdi deidi Telibkov málimdemesinde.
«Danyshpan El», «Uly El, «Aqyldy El», «Bai El» , «Keremet El», «Batyr El». Odaqtyń aitýynsha, mundai ataýlar qazaqstandyqtardy shabyttandyryp, ekonomikanyń damýyna, infliatsiianyń azaiýyna, sport, mádeniet, bilim salalarynyń damýyna alyp keledi eken. «Búgingi kúnniń qiyndyqtary elimizdiń ataýynyń mánsizdiginen bolýy kerek. Elimizdiń ataýy batyrlyq áreketterge, eńbekke shabyttandyrmaidy. Sondyqtan bolý kerek, sheteldikter úshin Qazaqstandyq beinesi indiferentti adam, óz oiynda júretin, ózge bir baqshada júrgen » - dep Premer-ministrge hat baǵyttalypty.
Eske salsaq, «QMDB (Qazaqstan musylmandarynyń dini basqarmasy – red.) Murat Telibekov Qazaqstannyń barlyq musylmandary atynan sóileýge quqyǵy joqtyǵy, «Qazaqstannyń musylmandar odaǵy» musylman uiymy emes ekendigi týraly resmi málimdeme jasaǵan bolatyn.
Derekkóz: Qamshy saity
