AQSh prezidenti Donald Tramp Polshaǵa qosymsha 5000 áskeri qyzmetker jiberiletinin málimdedi. Ol bul sheshimdi Polsha prezidenti Karol Navrotskiimen jaqsy qarym-qatynasymen bailanystyrdy, dep habarlaidy dalanews.kz.
Donald Tramp Truth Social jelisinde Polshadaǵy qazirgi prezidenttiń sailanýyn qoldaitynyn aityp, AQSh elge áskeri qoldaýdy jalǵastyratynyn málimdedi.
Alaida Aq úi basshysy bul tolyqtai jańa áskeri kontingent pe, álde buǵan deiin Polshaǵa jiberilýi toqtatylǵan 4000 sarbazdan turatyn bron brigada ma, ol jaǵyn naqtylamaǵan.
Aita keteiik, 13 mamyrda amerikalyq BAQ Pentagon Polshaǵa 4000 áskeri qyzmetker jiberý josparyn toqtatqanyn habarlaǵan edi. Basylymdardyń málimetinshe, bul sheshim Donald Tramptyń Eýropadaǵy amerikalyq ásker sanyn qysqartý josparyna bailanysty qabyldanǵan.
Al Polsha áskeri basshylyǵy bul aqparatty BAQ arqyly bilgenine narazy bolǵan. Buǵan deiin AQSh Germaniiadan da 5000 áskeri qyzmetkerin shyǵaratynyn habarlaǵan edi. Bul sheshim Germaniia kantsleri Fridrih Mertstiń AQSh pen Izraildiń Iranǵa qarsy áreketin synaǵannan keiin jariialanǵan.
Mamyrdyń ortasyndaǵy málimetke sáikes Polsha aýmaǵynda shamamen 7400 amerikalyq áskeri qyzmetker ornalasqan. Keiingi jyldary AQSh Eýropada jalpy sany 100 myńǵa jýyq sarbaz ben ofitserdi ornalastyrǵan. Onyń 65 myńnan astamy turaqty negizde qyzmet etedi.
