Osy aptada Qazaqstannyń aqparat keńistiginde qyzý talqylanǵan taqyryptardyń biri – sport federatsiialaryndaǵy joǵary laýazymdy sheneýnikterdiń qyzmeti boldy. Áleýmettik jeliler men birqatar pablikter respýblikalyq sport federatsiialarynyń basshylyq quramynda júrgen birneshe memlekettik qyzmetker qyzmetinen ketedi degen aqparat taratqan, dep habarlaidy dalanews.kz.
Mundai áńgimege prezident Qasym-Jomart Toqaev qol qoiǵan «Qazaqstan Respýblikasynyń memlekettik qyzmeti týraly» jáne memlekettik qyzmet máseleleri boiynsha ózgerister engizý týraly zańdar sebep bolǵan, dep jazady "Diadia Vania" telegram arnasy. Jelide endi sheneýnikterge sport federatsiialary, qaýymdastyqtar men basqa da qoǵamdyq sport uiymdaryn basqarýǵa resmi túrde tyiym salyndy degen málimet tarady.
Keibir telegram-arnalarynda bul ózgeristerdiń basty maqsaty múddeler qaqtyǵysyn azaityp, sheneýnikterdiń sportqa yqpalyn tómendetý ekeni aitylǵan.
Alaida «Diadia Vania» avtorlary zań mátinderin qarap shyǵyp, onda sport federatsiialaryndaǵy qyzmetke qatysty naqty tyiym joǵyn málimdedi. Iaǵni, sport uiymdarynyń basshylyq quramynda júrgen joǵary laýazymdy memlekettik qyzmetkerler ázirge qyzmetin jalǵastyra beredi.
Sonymen birge memleket basshysy buǵan deiin birneshe ret sport salasyndaǵy keibir sheneýnikterdi synǵa alǵan. Prezident olardyń sporttaǵy laýazymdardy jeke piar men bedel jinaý quraly retinde paidalanatynyn, sondai-aq memlekettik biýdjetke táýeldi bolyp qalǵanyn aitqan.
Prezidenttiń negizgi syndary:
– sport federatsiialaryndaǵy qyzmetti jeke jarnama quralyna ainaldyrý;
– sportty damytýda tek memlekettik qarjyǵa arqa súieý;
– buqaralyq sport pen infraqurylymdy damytý ornyna federatsiialardyń yqpal jinaý alańyna ainalýy.
Qazirgi tańda Qazaqstandaǵy sport federatsiialaryn basqaryp otyrǵan joǵary laýazymdy tulǵalar qatarynda:
– Qazaqstan voleibol federatsiiasy prezidenti Mádi Takiev;
– Qazaqstan dziýdo federatsiiasy prezidenti Qýanyshbek Esekeev;
– Qazaqstan fýtbol federatsiiasy prezidenti Marat Omarov;
– Qazaq Aquatics prezidenti Nurlan Jaqypov, vitse-prezidenti Nurlan Saýranbaev;
– Qazaqstan qazirgi bessaiys federatsiiasy prezidenti Berik Imashev;
– Qazaqstan velosport federatsiiasy vitse-prezidenti ári Qazaqstan triatlon federatsiiasy prezidenti Erjan Birjanov;
– Qazaqstan konkishiler ulttyq federatsiiasy prezidenti Erlan Nysanbaev;
– Qazaqstan sporttyq atý federatsiiasy prezidenti Berik Asylov;
– Qazaqstan bochcha federatsiiasy prezidenti Máýlen Áshimbaev;
– Qazaqstan alpinizm jáne quzǵa órmeleý federatsiiasy prezidenti Nursultan Shoqanov;
– Qaiyq esý sporty federatsiiasy prezidenti Aslambek Merǵaliev;
– Qazaqstan mánerlep syrǵanaý odaǵy prezidenti Eraly Beibituly;
– Qazaqstan ulttyq shańǵy qaýymdastyǵy prezidenti Jeńis Qasymbek.
