Arqalyqtaǵy sý qoimasynan boijetkenniń máiiti tabyldy, dep habarlaidy dalanews.kz.
Politsiia málimetinshe, marqumnyń denesinen zorlyq-zombylyq belgileri anyqtalmaǵan. Qazirgi ýaqytta quqyq qorǵaý organdary oqiǵanyń mán-jaiyn jan-jaqty anyqtap jatyr.
Sondai-aq politsiia turǵyndardy rastalmaǵan aqparat taratpaýǵa shaqyryp, tek resmi derekkózderge senýge úndedi.
Al jergilikti pablikter men áleýmettik jelilerde oqiǵaǵa qatysty túrli boljam talqylanýda. Jelidegi qoldanýshylar boijetken ólimine bailanysty zorlyq kórsetý jáne ózge de nusqalardy alǵa tartyp jatyr.
