KTZ Express kompaniiasy Qostanai – Niý-Iork baǵyty boiynsha qazaqstandyq bidai unyn jetkizýdi uiymdastyrdy, dep habarlaidy Dala News.
Júk 2026 jylǵy 10 naýryzda jóneltilgen. Jalpy kólemi 24 tonna bolatyn ónimdi elimizdegi iri un óndirýshilerdiń biri – Salamat Company LLP kompaniiasy shyǵarǵan. Bul jetkizilim qazaqstandyq ónimge halyqaralyq naryqtaǵy suranystyń artyp otyrǵanyn kórsetedi.
Tasymal mýltimodaldy formatta júzege asyryldy. Aldymen júk temirjol arqyly Qostanaidan Aqtaý portyna jetkizilip, keiin Kaspii teńizi arqyly Ázerbaijannyń Alat portyna jóneltilgen. Odan ári júk Grýziianyń Poti porty arqyly Qara teńizben ótip, Ystambul arqyly Jerorta teńizine shyqqan.
Marshrýttyń sońǵy kezeńinde júk Atlant muhity arqyly AQSh-tyń Niý-Iork portyna jetkiziledi. Teńiz arqyly tasymaldy álemdegi iri keme kompaniialarynyń biri CMA CGM júzege asyrýda.
Jalpy tranzit ýaqyty shamamen 58 kúndi quraidy. KTZ Express kompaniiasy tasymaldy tolyq baqylaýda ustap, logistikalyq tizbektiń senimdiligi men ashyqtyǵyn qamtamasyz etetinin atap ótti.
