Chernogoriia soty Dina Tańsárini Qazaqstanǵa ekstraditsiialaýdan bas tartty, dep habarlaidy Dalanews.kz.
Qordyń habarlaýynsha, Dina Tańsári bostandyqqa shyqty. Aldyn ala málimet boiynsha, Chernogoriia soty ony Qazaqstanǵa ekstraditsiialaýdan bas tartý týraly sheshim qabyldaǵan.
"NeMolchi" qorynyń basshysy Dina Tańsári Chernogoriiada 14 sáýirde ustaldy.
Bul týraly Dina Tańsári jelidegi paraqshasynda jazba jariialandy. Dina Tańsári qamaýǵa alynar aldynda videoúndeý jazyp úlgergen.
"Quqyq qorǵaýshylardy, sondai-aq jergilikti jáne halyqaralyq buqaralyq aqparat quraldaryn bul jaǵdaiǵa nazar aýdarýǵa shaqyramyz. Qosymsha aqparat qajet bolǵan jaǵdaida, tómendegi WhatsApp nómiri arqyly bailanysýǵa bolady”, – delingen jazbada.
IIM 2024 jyly Nemolchi.kz qorynyń jetekshisi Dina Tańsárige alty qylmystyq is boiynsha aiyp taǵylǵan, onyń ekeýi alaiaqtyqpen bailanysty ekenin habarlaǵan bolatyn.
Dina Smaiylova retinde de belgili Tańsárige jalǵan aqparat taratty, jeke ómirge qol suǵylmaýshylyq quqyǵyn buzdy jáne alaiaqtyqpen ainalysty degen aiyp taǵylyp otyr. Bul týraly tergeý kezinde belgili bolǵan.
Ol basqaratyn Nemolchi.kz qory negizinen Qazaqstanda áielder men balalarǵa qatysty zorlyq-zombylyqqa qarsy úgit-nasihatpen ainalysady.
Degenmen, tergeý barysynda Tańsáriniń is-áreketinde sáikessizdikter bolǵany anyqtaldy. Iaǵni sot-meditsinalyq saraptamalar onyń jazbalarynda aiyptaý basym ekenin kórsetedi, bilik málimetinshe, olar tek sýbektiv kózqarastarǵa negizdelgen.
Onyń ústine, belgili bolǵandai, ol 2021 jyldan beri Qazaqstannan tys jerde turyp, zorlyq-zombylyq qurbandaryna kómek kórsetý maqsatynda áleýmettik jelilerdi paidalanyp júrgen.
Onyń ishinde kózge túskeni - 2023 jyldyń sáýirinde jariialanǵan jazba. Oqiǵa Óskemende ózine qol jumsaǵan qyzben bailanysty. Tańsári odan keiingi jazbalarynda qyzdyń otbasyna kóńil aityp, artynsha politsiia málimdemesine senbeitinin jetkizgen. Saldarynan kámeletke tolmaǵan balanyń densaýlyǵyna ziian keltirý jáne buzaqylyq jasaý baptary boiynsha qylmystyq is qozǵalyp, sotqa joldandy.
Politsiianyń o bastaǵy málimdemesine senbegen Dina Tańsári jábirlenýshiniń advokatyna dep 20 million teńge (44 000 AQSh dollary) kóleminde aqsha jinaýdy bastaǵan.
Alaida onyń bir bóligi ǵana qajet maqsatqa jumsalǵan. Qarjylyq esepterdi taldaý kezinde qorǵa arnalǵan qarajat Tańsáriniń kúieýiniń jeke shotyna aýdarylyp, onyń sheteldegi jeke shyǵyndaryna jumsalǵany anyqtalǵan.
Osylaisha quqyq qorǵaý organdary Dina Tańsárige byltyr 27 jeltoqsanda izdeý jariialady. Bul jaitqa jaýap retinde ol Instagram-paraqshasynda alańdaýshylyǵyn bildirip, óz isine qatysty jeti jábirlenýshi bar ekenin basa aityp, Qazaqstan halqynan qoldaý surady.
Byltyr qarashada qor jetekshisi jeke shottary buǵattala bastaǵanyn, al jeltoqsanda Shyǵys Qazaqstan oblysy politseileri alaiaqtyqqa qatysty aiyp taqqanyn aitqan. Osylaisha ol jáne kúieýi Almat Muhamedjanov "Nemolchi.kz qyzmetine bailanysty qýǵynǵa ushyradyq" dep Eýropadan saiasi baspana suraǵan.
Aita keteiik, 2017 jyly qurylǵan «Nemolchi.kz» qory qaiyrymdylyq arqyly Qazaqstanda áielder men balalarǵa qatysty zorlyq-zombylyqpen kúresýmen ainalysady. Sońǵy shyqqan daýlarǵa qaramastan, qor sońǵy bes jyl ishinde adam zorlady degen 81 adamnyń ústinen qylmystyq is qozǵalýyna sebep bolǵan. Qor jábirlenýshilerge quqyqtyq, psihologiialyq jáne meditsinalyq kómekti, sondai-aq jábirlenýshilerdi qorǵaý úshin bilim berý bastamalary men zańnamalyq nasihat jaǵynan ártúrli qoldaý kórsetedi.
