Qazaqstan qor birjasynda (KASE) 6 mamyrda saǵat 11:00-de teńgege shaqqandaǵy 1 AQSh dollarynyń tirkelgen ortasha baǵamy 514,75 teńgeni qurady. Osylaisha apta basynda qaita álsirei bastaǵan ulttyq valiýtamyz qaitadan 3,78 teńgege qymbattai tústi, dep habarlaidy Dalanews.kz.
Keshe ǵana Ulttyq Banktiń tańerteń bekitken 1 AQSh dollarynyń resmi baǵamy 516,16 teńge bolǵan. Al keshke qarai álemdik munai naryǵyndaǵy baǵanyń quldyraýyna bailanysty dollar kúsh alyp, baǵamy 518,7 teńgeni quraǵan. Sarapshylar da munai qunsyzdansa, teńge de qunsyzdana beretinin jarysa aitqan edi. Alaida qor birjasyndaǵy búgingi kúndizgi jaǵdai basqasha sipatta.
Negizi, álemdik naryqta Brent markaly munaiy áli qunsyzdanýda. Keshegi bir barreldiń baǵasy 59 dollar bolsa, búgingi baǵa - 58 dollar.
Almatydaǵy aqsha aiyrbas oryndarynda 6 mamyrda 1 AQSh dollary 514 teńgeden satyp alynyp, 517 teńgeden satylýda, al 1 evro 583 teńgeden satyp alynyp, 590 teńgeden satylýda.
Reseilik milliarder Oleg Deripaska munaidyń bir barreli 45 dollarǵa deiin tómendeýi yqtimal ekenin boljaidy. Mundaida bilik sheteldik valiýtamen Ulttyq qorǵa kelip túsetin azaiǵan túsimdi kishkene bolsyn arttyrý úshin dollardy qymbattatýǵa kóshetini belgili. Osy jaǵynan alǵanda, amerikalyq valiýtany satyp alýǵa qazir qolaily kezeń sekildi.
Buǵan deiin saitymyzda mamyr aiynyń sońyna qarai teńgege shaqqanda 1 AQSh dollarynyń baǵamy qansha bolatynyn jazǵanbyz. Bul týraly Halyk Finance óz boljamyn jariialady.
