Biyl Túrkistan qalasynda jalpy uzyndyǵy 138,5 shaqyrymdy quraityn 159 kóshege ortasha jóndeý jumystaryn júrgizý josparlanyp otyr, dep habarlaidy Dalanews.kz
Túrkistan qalasynda jol-kólik infraqurylymyn damytý, turǵyndardyń qaýipsiz jáne jaily qozǵalysyn qamtamasyz etý baǵytynda birqatar júieli jumystar atqarylýda.
Qazirgi tańda qala aýmaǵyndaǵy Ál-Farabi jáne M.Tynyshqulov kóshelerinde aǵymdaǵy jóndeý jumystary júrgizilýde. Sonymen qatar, Iassy jáne Shaýǵar turǵyn alaptaryndaǵy birqatar kóshelerde ortasha jóndeý jumystary bastaldy.
Atqarylǵan jumystardyń nátijesinde Túrkistan qalasy boiynsha jaqsy jáne qanaǵattanarlyq jaǵdaidaǵy avtomobil joldarynyń jalpy uzyndyǵy 433,49 shaqyrymǵa jetip, bul 51,3 paiyzdyq kórsetkishti qurap otyr.
2025 jylǵa arnalǵan josparǵa sáikes, Túrkistan qalasynda jalpy uzyndyǵy 138,5 shaqyrymdy quraityn 159 kóshege ortasha jóndeý jumystaryn júrgizý, 2 jol nysanyn qaita qurý, 2 jaiaý júrginshiler kópirin salý, sondai-aq 45 000 sharshy metr aýmaqta aǵymdaǵy jóndeý jumystaryn júzege asyrý josparlanýda.
Atalǵan is-sharalar tolyq kólemde júzege asqan jaǵdaida, qalaishilik joldardyń jaqsy jáne qanaǵatty jaǵdaidaǵy úlesi 67 paiyzǵa deiin artady dep kútilýde.
