بيىل تۇركىستان قالاسىندا جالپى ۇزىندىعى 138،5 شاقىرىمدى قۇرايتىن 159 كوشەگە ورتاشا جوندەۋ جۇمىستارىن جۇرگىزۋ جوسپارلانىپ وتىر، دەپ حابارلايدى Dalanews.kz
تۇركىستان قالاسىندا جول-كولىك ينفراقۇرىلىمىن دامىتۋ، تۇرعىنداردىڭ ءقاۋىپسىز جانە جايلى قوزعالىسىن قامتاماسىز ەتۋ باعىتىندا ءبىرقاتار جۇيەلى جۇمىستار اتقارىلۋدا.
قازىرگى تاڭدا قالا اۋماعىنداعى ءال-فارابي جانە م.تىنىشقۇلوۆ كوشەلەرىندە اعىمداعى جوندەۋ جۇمىستارى جۇرگىزىلۋدە. سونىمەن قاتار، ياسسى جانە شاۋعار تۇرعىن الاپتارىنداعى ءبىرقاتار كوشەلەردە ورتاشا جوندەۋ جۇمىستارى باستالدى.
اتقارىلعان جۇمىستاردىڭ ناتيجەسىندە تۇركىستان قالاسى بويىنشا جاقسى جانە قاناعاتتانارلىق جاعدايداعى اۆتوموبيل جولدارىنىڭ جالپى ۇزىندىعى 433،49 شاقىرىمعا جەتىپ، بۇل 51،3 پايىزدىق كورسەتكىشتى قۇراپ وتىر.
2025 جىلعا ارنالعان جوسپارعا سايكەس، تۇركىستان قالاسىندا جالپى ۇزىندىعى 138،5 شاقىرىمدى قۇرايتىن 159 كوشەگە ورتاشا جوندەۋ جۇمىستارىن جۇرگىزۋ، 2 جول نىسانىن قايتا قۇرۋ، 2 جاياۋ جۇرگىنشىلەر كوپىرىن سالۋ، سونداي-اق 45 000 شارشى مەتر اۋماقتا اعىمداعى جوندەۋ جۇمىستارىن جۇزەگە اسىرۋ جوسپارلانۋدا.
اتالعان ءىس-شارالار تولىق كولەمدە جۇزەگە اسقان جاعدايدا، قالاىشىلىك جولداردىڭ جاقسى جانە قاناعاتتى جاعدايداعى ۇلەسى 67 پايىزعا دەيىن ارتادى دەپ كۇتىلۋدە.
