Biyl Soltústik Qazaqstan oblysynda 1300 shaqyrymǵa jýyq jol jóndeledi, dep habarlaidy Dalanews.kz "24.kz"-ke silteme jasap.
Bul maqsatqa respýblikalyq jáne jergilikti biýdjetten 83 mlrd teńge bólindi.
Jergilikti bilik ókilderi onyń ishinde qala jáne aýyl ishilik joldarǵa basymdyq bermek. Mysaly, Petropavldaǵy 42 kóshege asfalt tóseledi. Sonymen qatar oblys ortalyǵyn Jezqazǵanmen bailanystyratyn baǵyt qalpyna keltiriledi.
Biyldan bastap memlekettik satyp alý sharttaryna da oń ózgerister engizilgen. Endi baiqaýlarǵa tehnikalyq múmkindigi sai keletin kompaniialar ǵana qatysa alady.
"Biyl respýblikalyq joldar boiynsha aýqymdy jobalar júzege asyralady. Atap aitqanda Dáýit aýylynan Resei Federatsiiasynyń shekarasyna deiingi, Petropavldan Aqmola oblysyna deiingi aralyq jáne Jezqazǵan men Qostanai baǵyttarynyń joldary jóndeledi", - dedi Jolaýshylar kóligi jáne avtomobil joldary basqarmasynyń basshysy Erden Shortybaev.
