بيىل سولتٷستٸك قازاقستان وبلىسىندا 1300 شاقىرىمعا جۋىق جول جٶندەلەدٸ, دەپ حابارلايدى Dalanews.kz "24.kz"-كە سٸلتەمە جاساپ.
بۇل ماقساتقا رەسپۋبليكالىق جەنە جەرگٸلٸكتٸ بيۋدجەتتەن 83 ملرد تەڭگە بٶلٸندٸ.
جەرگٸلٸكتٸ بيلٸك ٶكٸلدەرٸ ونىڭ ٸشٸندە قالا جەنە اۋىل ٸشٸلٸك جولدارعا باسىمدىق بەرمەك. مىسالى, پەتروپاۆلداعى 42 كٶشەگە اسفالت تٶسەلەدٸ. سونىمەن قاتار وبلىس ورتالىعىن جەزقازعانمەن بايلانىستىراتىن باعىت قالپىنا كەلتٸرٸلەدٸ.
بيىلدان باستاپ مەملەكەتتٸك ساتىپ الۋ شارتتارىنا دا وڭ ٶزگەرٸستەر ەنگٸزٸلگەن. ەندٸ بايقاۋلارعا تەحنيكالىق مٷمكٸندٸگٸ ساي كەلەتٸن كومپانييالار عانا قاتىسا الادى.
"بيىل رەسپۋبليكالىق جولدار بويىنشا اۋقىمدى جوبالار جٷزەگە اسىرالادى. اتاپ ايتقاندا دەۋٸت اۋىلىنان رەسەي فەدەراتسيياسىنىڭ شەكاراسىنا دەيٸنگٸ, پەتروپاۆلدان اقمولا وبلىسىنا دەيٸنگٸ ارالىق جەنە جەزقازعان مەن قوستاناي باعىتتارىنىڭ جولدارى جٶندەلەدٸ", - دەدٸ جولاۋشىلار كٶلٸگٸ جەنە اۆتوموبيل جولدارى باسقارماسىنىڭ باسشىسى ەردەن شورتىباەۆ.
