2026 jyldan bastap kúshine enetin Salyq kodeksindegi ózgerister Qazaqstandaǵy biznes ortany túbegeili qaita qalyptastyrmaq. Bul ózgeristerdiń kimge múmkindik, al kimge qaýip tóndiretinin Qazaq Expert Club sarapshysy, qarjyger, ekonomika ǵylymdarynyń kandidaty Aigerim Iliiasova jan-jaqty túsindirdi, dep habarlaidy Dalanews.kz.
Barlyq bizneske ortaq ózgerister
Sarapshynyń aitýynsha, jańa Salyq kodeksi iri de, shaǵyn da bizneske áser etedi. Eń mańyzdy jańalyqtardyń qatarynda:
- qosymsha qun salyǵy (QQS) mólsherlemesiniń ósýi,
- shaǵyn bizneske arnalǵan arnaiy salyq rejimderiniń ózgerýi,
- «jeńildetilgen» rejimde shyǵyndardy shegerýge tyiym salý bar.
Iri bizneske áseri: beiimdelý, biraq kúireý emes
Aigerim Iliiasovanyń sózinshe, iri kompaniialar úshin eń aýyr tusy - jeńildetilgen deklaratsiiamen jumys isteitin jetkizýshilerden alynǵan taýarlar men qyzmetter boiynsha shyǵyndardy shegerýge tyiym salynýy.
Bul iri bizneske úsh tańdaýdyń birin qaldyrady:
- jetkizýshini aýystyrý,
- jetkizýshini jalpyǵa birdei salyq rejimine kóshýge májbúrleý,
- nemese korporativtik tabys salyǵynyń (KTS) artqan júktemesin óz moinyna alý.
Alaida sarapshy iri biznes úshin «tiri qalý» máselesi turǵan joq deidi. Ósken QQS-tyń aýyrtpalyǵy, túptep kelgende, kompaniialarǵa emes, sońǵy tutynýshyǵa júkteledi.
B2B sektoryndaǵy shaǵyn bizneske qysym kúsheiedi
Al zańdy tulǵalarmen jumys isteitin shaǵyn biznes úshin (B2B) jaǵdai áldeqaida kúrdeli. 2026 jylǵy 1 qańtardan bastap olar seriktesterin saqtap qalý úshin:
- jalpyǵa birdei salyq rejimine ótýge,
- tolyq býhgalterlik esep júrgizýge,
- jyldyq ainalymy 43 mln teńgeden assa, QQS tóleýshi retinde tirkelýge,
- elektrondy shot-faktýra jazýǵa,
- jeńildetilgen rejimdegi 3% ainalym salyǵynyń ornyna salyq salynatyn paidadan 10% KTS (JShS úshin 20%) tóleýge mindetti bolady.
Bul talaptar kóptegen shaǵyn B2B kompaniialar úshin eleýli qarjylyq ári ákimshilik júkteme bolýy múmkin.
B2C sektoryna jańa múmkindik
Sarapshy salyqtyq ózgeristerden utqan bir sanat baryn atap ótti. Olhalyqpen tikelei jumys isteitin shaǵyn biznes, iaǵni B2C sektory.
Bul baǵytta birqatar mańyzdy jeńildikter engizildi:
- jeńildetilgen deklaratsiia rejimin qoldaný úshin tabys limiti jarty jylda 94,5 mln teńgeden jylyna 2,5 mlrd teńgege deiin artty;
- QQS boiynsha shekti talap alynyp tastaldy;
- qyzmetkerler sanyna qoiylatyn limit joiyldy.
Salyq mólsherlemesi 3%-dan 4%-ǵa kóterilgenimen, máslihattarǵa ony tómendetý quqyǵy berildi. Qazirdiń ózinde kóptegen óńirde stavka 2%-ǵa deiin azaitylǵan, al Almaty men Astanada - 3% deńgeiinde bekitilgen.
Bul sanatqa:
- úi janyndaǵy dúkender,
- sulýlyq salondary,
- oqý ortalyqtary,
- qoǵamdyq tamaqtaný oryndary,
- tehnikalyq qyzmet kórsetý stantsiialary (TJO)
- jáne basqa da kóptegen shaǵyn biznes túrleri kiredi.
Ózin-ózi jumyspen qamtyǵandar úshin de jeńildik bar
Sonymen qatar, ózin-ózi jumyspen qamtyǵan azamattar úshin de qolaily jaǵdai jasalǵan. Olar tek áleýmettik tólemderdi tóleidi jáne salyqtyq eseptilik tapsyrýdan bosatylǵan.
2026 jylǵy salyq reformasy biznes úshin «irikteý kezeńine» ainalýy múmkin. Iri kompaniialar beiimdelse, B2B baǵytyndaǵy shaǵyn bizneske qaita qurylymdanýǵa týra keledi. Al halyqqa qyzmet kórsetetin shaǵyn kásip pen ózin-ózi jumyspen qamtyǵandar úshin jańa júie, kerisinshe, ósim men keńeiýge jol ashyp otyr.
