2026 جىلدان باستاپ كٷشٸنە ەنەتٸن سالىق كودەكسٸندەگٸ ٶزگەرٸستەر قازاقستانداعى بيزنەس ورتانى تٷبەگەيلٸ قايتا قالىپتاستىرماق. بۇل ٶزگەرٸستەردٸڭ كٸمگە مٷمكٸندٸك, ال كٸمگە قاۋٸپ تٶندٸرەتٸنٸن Qazaq Expert Club ساراپشىسى, قارجىگەر, ەكونوميكا عىلىمدارىنىڭ كانديداتى ايگەرٸم ٸليياسوۆا جان-جاقتى تٷسٸندٸردٸ, دەپ حابارلايدى Dalanews.kz.
بارلىق بيزنەسكە ورتاق ٶزگەرٸستەر
ساراپشىنىڭ ايتۋىنشا, جاڭا سالىق كودەكسٸ ٸرٸ دە, شاعىن دا بيزنەسكە ەسەر ەتەدٸ. ەڭ ماڭىزدى جاڭالىقتاردىڭ قاتارىندا:
- قوسىمشا قۇن سالىعى (ققس) مٶلشەرلەمەسٸنٸڭ ٶسۋٸ,
- شاعىن بيزنەسكە ارنالعان ارنايى سالىق رەجيمدەرٸنٸڭ ٶزگەرۋٸ,
- «جەڭٸلدەتٸلگەن» رەجيمدە شىعىنداردى شەگەرۋگە تىيىم سالۋ بار.
ٸرٸ بيزنەسكە ەسەرٸ: بەيٸمدەلۋ, بٸراق كٷيرەۋ ەمەس
ايگەرٸم ٸليياسوۆانىڭ سٶزٸنشە, ٸرٸ كومپانييالار ٷشٸن ەڭ اۋىر تۇسى - جەڭٸلدەتٸلگەن دەكلاراتسييامەن جۇمىس ٸستەيتٸن جەتكٸزۋشٸلەردەن الىنعان تاۋارلار مەن قىزمەتتەر بويىنشا شىعىنداردى شەگەرۋگە تىيىم سالىنۋى.
بۇل ٸرٸ بيزنەسكە ٷش تاڭداۋدىڭ بٸرٸن قالدىرادى:
- جەتكٸزۋشٸنٸ اۋىستىرۋ,
- جەتكٸزۋشٸنٸ جالپىعا بٸردەي سالىق رەجيمٸنە كٶشۋگە مەجبٷرلەۋ,
- نەمەسە كورپوراتيۆتٸك تابىس سالىعىنىڭ (كتس) ارتقان جٷكتەمەسٸن ٶز موينىنا الۋ.
الايدا ساراپشى ٸرٸ بيزنەس ٷشٸن «تٸرٸ قالۋ» مەسەلەسٸ تۇرعان جوق دەيدٸ. ٶسكەن ققس-تىڭ اۋىرتپالىعى, تٷپتەپ كەلگەندە, كومپانييالارعا ەمەس, سوڭعى تۇتىنۋشىعا جٷكتەلەدٸ.
B2B سەكتورىنداعى شاعىن بيزنەسكە قىسىم كٷشەيەدٸ
ال زاڭدى تۇلعالارمەن جۇمىس ٸستەيتٸن شاعىن بيزنەس ٷشٸن (B2B) جاعداي ەلدەقايدا كٷردەلٸ. 2026 جىلعى 1 قاڭتاردان باستاپ ولار سەرٸكتەستەرٸن ساقتاپ قالۋ ٷشٸن:
- جالپىعا بٸردەي سالىق رەجيمٸنە ٶتۋگە,
- تولىق بۋحگالتەرلٸك ەسەپ جٷرگٸزۋگە,
- جىلدىق اينالىمى 43 ملن تەڭگەدەن اسسا, ققس تٶلەۋشٸ رەتٸندە تٸركەلۋگە,
- ەلەكتروندى شوت-فاكتۋرا جازۋعا,
- جەڭٸلدەتٸلگەن رەجيمدەگٸ 3% اينالىم سالىعىنىڭ ورنىنا سالىق سالىناتىن پايدادان 10% كتس (جشس ٷشٸن 20%) تٶلەۋگە مٸندەتتٸ بولادى.
بۇل تالاپتار كٶپتەگەن شاعىن B2B كومپانييالار ٷشٸن ەلەۋلٸ قارجىلىق ەرٸ ەكٸمشٸلٸك جٷكتەمە بولۋى مٷمكٸن.
B2C سەكتورىنا جاڭا مٷمكٸندٸك
ساراپشى سالىقتىق ٶزگەرٸستەردەن ۇتقان بٸر سانات بارىن اتاپ ٶتتٸ. ولحالىقپەن تٸكەلەي جۇمىس ٸستەيتٸن شاعىن بيزنەس, ياعني B2C سەكتورى.
بۇل باعىتتا بٸرقاتار ماڭىزدى جەڭٸلدٸكتەر ەنگٸزٸلدٸ:
- جەڭٸلدەتٸلگەن دەكلاراتسييا رەجيمٸن قولدانۋ ٷشٸن تابىس ليميتٸ جارتى جىلدا 94,5 ملن تەڭگەدەن جىلىنا 2,5 ملرد تەڭگەگە دەيٸن ارتتى;
- ققس بويىنشا شەكتٸ تالاپ الىنىپ تاستالدى;
- قىزمەتكەرلەر سانىنا قويىلاتىن ليميت جويىلدى.
سالىق مٶلشەرلەمەسٸ 3%-دان 4%-عا كٶتەرٸلگەنٸمەن, مەسليحاتتارعا ونى تٶمەندەتۋ قۇقىعى بەرٸلدٸ. قازٸردٸڭ ٶزٸندە كٶپتەگەن ٶڭٸردە ستاۆكا 2%-عا دەيٸن ازايتىلعان, ال الماتى مەن استانادا - 3% دەڭگەيٸندە بەكٸتٸلگەن.
بۇل ساناتقا:
- ٷي جانىنداعى دٷكەندەر,
- سۇلۋلىق سالوندارى,
- وقۋ ورتالىقتارى,
- قوعامدىق تاماقتانۋ ورىندارى,
- تەحنيكالىق قىزمەت كٶرسەتۋ ستانتسييالارى (تجو)
- جەنە باسقا دا كٶپتەگەن شاعىن بيزنەس تٷرلەرٸ كٸرەدٸ.
ٶزٸن-ٶزٸ جۇمىسپەن قامتىعاندار ٷشٸن دە جەڭٸلدٸك بار
سونىمەن قاتار, ٶزٸن-ٶزٸ جۇمىسپەن قامتىعان ازاماتتار ٷشٸن دە قولايلى جاعداي جاسالعان. ولار تەك ەلەۋمەتتٸك تٶلەمدەردٸ تٶلەيدٸ جەنە سالىقتىق ەسەپتٸلٸك تاپسىرۋدان بوساتىلعان.
2026 جىلعى سالىق رەفورماسى بيزنەس ٷشٸن «ٸرٸكتەۋ كەزەڭٸنە» اينالۋى مٷمكٸن. ٸرٸ كومپانييالار بەيٸمدەلسە, B2B باعىتىنداعى شاعىن بيزنەسكە قايتا قۇرىلىمدانۋعا تۋرا كەلەدٸ. ال حالىققا قىزمەت كٶرسەتەتٸن شاعىن كەسٸپ پەن ٶزٸن-ٶزٸ جۇمىسپەن قامتىعاندار ٷشٸن جاڭا جٷيە, كەرٸسٸنشە, ٶسٸم مەن كەڭەيۋگە جول اشىپ وتىر.
