QR Ulttyq Banki 2025 jylǵy 1 sáýirdegi jaǵdai boiynsha elimizdegi bankterdiń esep-qisabynyń statistikasyn jariialady. Oǵan sáikes, bank sektorynyń bir jyldaǵy jalpy tabysy 16,6%-ǵa, iaǵni 664 mlrd teńgege deiin artqan. Alaida bul bankterdiń barlyǵy birdei jaǵalai tabysta degendi bildirmeidi. Máselen, elimizdegi 21 banktiń segizi byltyrǵy kórsetkishin de qaitalai almaǵan, dep habarlaidy Dalanews.kz.
Byltyrǵy kórsetkishin qaitalai almaǵandar ishinde Jusan Bank pen Eýraziialyq bank aldyńǵy qatarda tur.
2025 jyldyń 1 sáýirdegi jaǵdai boiynsha, Jusan Bank aldyńǵy jylmen salystyrǵanda 5,3 mlrd teńge az paida tapqan, iaǵni aldyńǵy jyly tapqany 44,6 mlrd teńge bolsa, biylǵysy — 39,3 mlrd teńge. Al Eýraziialyq bank ótken jylǵyǵa qaraǵanda kirisi 21,1 mlrd teńgege az: 2023 jyldyń 1 sáýirinen 2024 jyldyń 1sáýirine deiingi tabysy - 37,8 mlrd teńge, 2024-2025 jyldary - 16,7 mlrd teńge. Freedom Bank-tiń de aldyńǵy jylǵy kirisinen biylǵysy 19,3 mlrd teńgege kem.
Qalǵan bes bank boiynsha málimet tómengi kestede:
| 2024 jylǵy tabysyn qaitalai almaǵan bankter | 2023 jyldyń 1 saýirinen 2024 jyldyń 1 saýiri aralyǵyndaǵy tabysy, tg | 2024 jyldyń 1 saýirinen 2025 jyldyń 1 saýiri aralyǵyndaǵy tabysy, tg |
bir jylda qysqarǵan kólem, tg |
| Sitibank | 26 mlrd teńge | 20,4 mlrd teńge | 5,6 mlrd teńge |
| Altyn Bank | 11,6 mlrd teńge | 9,8 mlrd teńge | 1,8 mlrd teńge |
| Shinhan Bank Qazaqstan | 7,7 mlrd teńge | 7,3 mlrd teńge | 04, mlrd teńge |
| Nurbank | 2,7 mlrd teńge | 1,3 mlrd teńge | 1,4 mlrd teńge |
| Ziraat interneishnl bank (enshilesi) | 3,8 mlrd teńge | 3,7 mlrd teńge | 0,1 mlrd teńge |
Al, kerisinshe aldyńǵy jylǵy kórsetkishti jańartyp, tipti odan asyp túskenderi mynalar:
- Bereke Bank - 29 esege artqan, 13,2 mlrd teńgege deiin;
- "Zaman-Bank" Islam banki - 10,4 esege, 4,2 mlrd teńgege deiin;
- TsKB - 1,9 ese, 78,5 mlrd teńgege deiin;
- "ADCB" Islam Banki — 1,7 ese, 1,1 mlrd teńgege deiin;
- Halyk Bank-1,5 ese, 247,1 mlrd teńgege deiin;
- ForteBank - 1,4 ese, 42,3 mlrd teńgege deiin;
- Bank RBK-1,4 ese, 17,6 mlrd teńgege deiin;
- Home CREDIT Bank - 1,4 ese, 9,5 mlrd teńgege deiin;
- "Bank VTB" AQ EU (Qazaqstan) - 1,4 ese, 12,7 mlrd teńgege deiin;
- Otbasy Banki - 1,2 ese, 36,5 mlrd teńgege deiin;
- Qytai Banktiń Qazaqstandaǵy enshilesi - 1,2 ese, 6,4 mlrd teńgege deiin;
- Qytaidyń Almatydaǵy Saýda-ónerkásip banki - 1,2 ese, 5,5 mlrd teńgege deiin;
- Kaspi Bank - 1,1 ese, 128,3 mlrd teńgege deiin.
Buǵan deiin saitymyzda Qazaqstannyń úzdik 10 bankiniń beseýinde depozitterdiń jabylýy, aqshany áketý faktisi tirkelgenin jazǵanbyz.
