ق ر ۇلتتىق بانكى 2025 جىلعى 1 ساۋىردەگى جاعداي بويىنشا ەلىمىزدەگى بانكتەردىڭ ەسەپ-قيسابىنىڭ ستاتيستيكاسىن جاريالادى. وعان سايكەس، بانك سەكتورىنىڭ ءبىر جىلداعى جالپى تابىسى 16،6%-عا، ياعني 664 ملرد تەڭگەگە دەيىن ارتقان. الايدا بۇل بانكتەردىڭ بارلىعى بىردەي جاعالاي تابىستا دەگەندى بىلدىرمەيدى. ماسەلەن، ەلىمىزدەگى 21 بانكتىڭ سەگىزى بىلتىرعى كورسەتكىشىن دە قايتالاي الماعان، دەپ حابارلايدى Dalanews.kz.
بىلتىرعى كورسەتكىشىن قايتالاي الماعاندار ىشىندە Jusan Bank پەن ەۋرازيالىق بانك الدىڭعى قاتاردا تۇر.
2025 جىلدىڭ 1 ساۋىردەگى جاعداي بويىنشا، Jusan Bank الدىڭعى جىلمەن سالىستىرعاندا 5،3 ملرد تەڭگە از پايدا تاپقان، ياعني الدىڭعى جىلى تاپقانى 44،6 ملرد تەڭگە بولسا، بيىلعىسى — 39،3 ملرد تەڭگە. ال ەۋرازيالىق بانك وتكەن جىلعىعا قاراعاندا كىرىسى 21،1 ملرد تەڭگەگە از: 2023 جىلدىڭ 1 ساۋىرىنەن 2024 جىلدىڭ 1ساۋىرىنە دەيىنگى تابىسى - 37،8 ملرد تەڭگە، 2024-2025 جىلدارى - 16،7 ملرد تەڭگە. Freedom Bankء-تىڭ دە الدىڭعى جىلعى كىرىسىنەن بيىلعىسى 19،3 ملرد تەڭگەگە كەم.
قالعان بەس بانك بويىنشا مالىمەت تومەنگى كەستەدە:
| 2024 جىلعى تابىسىن قايتالاي الماعان بانكتەر | 2023 جىلدىڭ 1 ساۋىرىنەن 2024 جىلدىڭ 1 ءساۋىرى ارالىعىنداعى تابىسى، تگ | 2024 جىلدىڭ 1 ساۋىرىنەن 2025 جىلدىڭ 1 ءساۋىرى ارالىعىنداعى تابىسى، تگ |
ءبىر جىلدا قىسقارعان كولەم، تگ |
| سيتيبانك | 26 ملرد تەڭگە | 20،4 ملرد تەڭگە | 5،6 ملرد تەڭگە |
| Altyn Bank | 11،6 ملرد تەڭگە | 9،8 ملرد تەڭگە | 1،8 ملرد تەڭگە |
| شينحان بانك قازاقستان | 7،7 ملرد تەڭگە | 7،3 ملرد تەڭگە | 04، ملرد تەڭگە |
| نۇربانك | 2،7 ملرد تەڭگە | 1،3 ملرد تەڭگە | 1،4 ملرد تەڭگە |
| زيراات ينتەرنەيشنل بانك (ەنشىلەسى) | 3،8 ملرد تەڭگە | 3،7 ملرد تەڭگە | 0،1 ملرد تەڭگە |
ال، كەرىسىنشە الدىڭعى جىلعى كورسەتكىشتى جاڭارتىپ، ءتىپتى ودان اسىپ تۇسكەندەرى مىنالار:
- Bereke Bank - 29 ەسەگە ارتقان، 13،2 ملرد تەڭگەگە دەيىن؛
- "زامان-بانك" يسلام بانكى - 10،4 ەسەگە، 4،2 ملرد تەڭگەگە دەيىن؛
- سكب - 1،9 ەسە، 78،5 ملرد تەڭگەگە دەيىن؛
- "ADCB" يسلام بانكى — 1،7 ەسە، 1،1 ملرد تەڭگەگە دەيىن؛
- Halyk Bank-1،5 ەسە، 247،1 ملرد تەڭگەگە دەيىن؛
- ForteBank - 1،4 ەسە، 42،3 ملرد تەڭگەگە دەيىن؛
- Bank RBK-1،4 ەسە، 17،6 ملرد تەڭگەگە دەيىن؛
- Home CREDIT Bank - 1،4 ەسە، 9،5 ملرد تەڭگەگە دەيىن؛
- "بانك ۆتب" اق ەۇ (قازاقستان) - 1،4 ەسە، 12،7 ملرد تەڭگەگە دەيىن؛
- وتباسى بانكى - 1،2 ەسە، 36،5 ملرد تەڭگەگە دەيىن؛
- جۇڭگو بانكتىڭ قازاقستانداعى ەنشىلەسى - 1،2 ەسە، 6،4 ملرد تەڭگەگە دەيىن؛
- قىتايدىڭ الماتىداعى ساۋدا-ونەركاسىپ بانكى - 1،2 ەسە، 5،5 ملرد تەڭگەگە دەيىن؛
- Kaspi Bank - 1،1 ەسە، 128،3 ملرد تەڭگەگە دەيىن.
بۇعان دەيىن سايتىمىزدا قازاقستاننىڭ ۇزدىك 10 بانكىنىڭ بەسەۋىندە دەپوزيتتەردىڭ جابىلۋى، اقشانى اكەتۋ فاكتىسى تىركەلگەنىن جازعانبىز.
