Qurylys basqarmasy biýdjettik baǵdarlama ákimshisi bolyp tabylatyn nysandar jaiyn tarqatyp aitsaq.
Sala mamandarynyń aitýynsha, joǵaryda atalǵan bilim oshaqtarynyń 79-y jańa mektep, al qalǵan 3-ýi kásiptik bilim berý uiymdary. Osy nysandardyń 27-niń qurylysy ótken jyly bastalǵan eken.
Qurylysy «Nurly jol» memlekettik baǵdarlamasy men respýblikalyq, oblystyq biýdjet qarjysynan júrgizilgen bilim nysandarynyń 32-si biyl el igiligine berilse, qalǵan 50 bilim berý ǵimaraty keler jyly tapsyrlady dep josparlanýda.
Sonymen qatar, oblysta densaýlyq saqtaý salasynda 39 nysannyń qurylys jumystary júrgizilip, 34 nysan paidalanýǵa berildi. Qalǵan 4 emhana men 1 dárigerlik ambýlatoriia qurylysy 2018 jylǵa ótpeli.
Al, mádeniet salasynda 4 nysan qurylysy júrgizilip, Saryaǵash pen Báidibek aýdanynda mádeniet oshaqtary tapsyrylsa, qalǵan eki nysan qurylysy keler jyly el igiligine usynylady. Sondai-aq, sport salasynda oblystyq biýdjetten salynǵan úsh nysan qurylysy keler jyly tapsyrlady.
Budan bólek, Túrkistan qalasyndaǵy Qarashyq ózenindegi kishi sý qoimanyń qurylysy berilse, Otyrar aýdanyndaǵy Arys ózeniniń jaǵalaýyn qaita qurý men Shymkent qalasynyń buryńǵy qoqys poligony aýmaǵynda saiabaq salý, Túrkistan qalasy muraǵat ǵimaraty men ishki ister organdar obektisiniń qurylysy júrgizilip, keler jyly tapsyrlady dep josparlanýda. Sondai-aq, Shymkent qalasyndaǵy 18,4 ga jer telimindegi qoqys qaldyqtaryn tastaý ornyn rekýltivatsiialaý arqyly qaita qurý qurylys jumystary júrgizildi.
Qoryta aitqanda biylǵy jyly oblysta 32 mektep pen 34 densaýlyq saqtaý nysany, 2 mádeniet úii men ózgede 2 nysan paidalanýǵa berildi.
OQO ákiminiń baspasóz qyzmeti
