قۇرىلىس باسقارماسى بيۋدجەتتٸك باعدارلاما ەكٸمشٸسٸ بولىپ تابىلاتىن نىساندار جايىن تارقاتىپ ايتساق.
سالا ماماندارىنىڭ ايتۋىنشا, جوعارىدا اتالعان بٸلٸم وشاقتارىنىڭ 79-ى جاڭا مەكتەپ, ال قالعان 3-ۋٸ كەسٸپتٸك بٸلٸم بەرۋ ۇيىمدارى. وسى نىسانداردىڭ 27-نٸڭ قۇرىلىسى ٶتكەن جىلى باستالعان ەكەن.
قۇرىلىسى «نۇرلى جول» مەملەكەتتٸك باعدارلاماسى مەن رەسپۋبليكالىق, وبلىستىق بيۋدجەت قارجىسىنان جٷرگٸزٸلگەن بٸلٸم نىساندارىنىڭ 32-سٸ بيىل ەل يگٸلٸگٸنە بەرٸلسە, قالعان 50 بٸلٸم بەرۋ عيماراتى كەلەر جىلى تاپسىرلادى دەپ جوسپارلانۋدا.
سونىمەن قاتار, وبلىستا دەنساۋلىق ساقتاۋ سالاسىندا 39 نىساننىڭ قۇرىلىس جۇمىستارى جٷرگٸزٸلٸپ, 34 نىسان پايدالانۋعا بەرٸلدٸ. قالعان 4 ەمحانا مەن 1 دەرٸگەرلٸك امبۋلاتورييا قۇرىلىسى 2018 جىلعا ٶتپەلٸ.
ال, مەدەنيەت سالاسىندا 4 نىسان قۇرىلىسى جٷرگٸزٸلٸپ, سارىاعاش پەن بەيدٸبەك اۋدانىندا مەدەنيەت وشاقتارى تاپسىرىلسا, قالعان ەكٸ نىسان قۇرىلىسى كەلەر جىلى ەل يگٸلٸگٸنە ۇسىنىلادى. سونداي-اق, سپورت سالاسىندا وبلىستىق بيۋدجەتتەن سالىنعان ٷش نىسان قۇرىلىسى كەلەر جىلى تاپسىرلادى.
بۇدان بٶلەك, تٷركٸستان قالاسىنداعى قاراشىق ٶزەنٸندەگٸ كٸشٸ سۋ قويمانىڭ قۇرىلىسى بەرٸلسە, وتىرار اۋدانىنداعى ارىس ٶزەنٸنٸڭ جاعالاۋىن قايتا قۇرۋ مەن شىمكەنت قالاسىنىڭ بۇرىڭعى قوقىس پوليگونى اۋماعىندا ساياباق سالۋ, تٷركٸستان قالاسى مۇراعات عيماراتى مەن ٸشكٸ ٸستەر ورگاندار وبەكتٸسٸنٸڭ قۇرىلىسى جٷرگٸزٸلٸپ, كەلەر جىلى تاپسىرلادى دەپ جوسپارلانۋدا. سونداي-اق, شىمكەنت قالاسىنداعى 18,4 گا جەر تەلٸمٸندەگٸ قوقىس قالدىقتارىن تاستاۋ ورنىن رەكۋلتيۆاتسييالاۋ ارقىلى قايتا قۇرۋ قۇرىلىس جۇمىستارى جٷرگٸزٸلدٸ.
قورىتا ايتقاندا بيىلعى جىلى وبلىستا 32 مەكتەپ پەن 34 دەنساۋلىق ساقتاۋ نىسانى, 2 مەدەنيەت ٷيٸ مەن ٶزگەدە 2 نىسان پايدالانۋعا بەرٸلدٸ.
وقو ەكٸمٸنٸڭ باسپاسٶز قىزمەتٸ
