Tótenshe jaǵdailar ministrligi kóktemgi sý tasqynynyń aldyn alý úshin qandai sharalar júrgizilip jatqany týraly aitty. Ministrliktiń tótenshe jaǵdailardy joiý departamentiniń bas mamany Magomet Ahrievtiń málimdeýinshe, daiyndyq jumystary aiaqtalýǵa jaqyn. Biyl tótenshe jaǵdailardyń saldaryn joiýǵa 40 myń qutqarýshy jumyldyrylmaq, dep habarlaidy Dalanews.kz.
Ahrievtiń aitýynsha, biylǵy qys qarly bolady degen boljam bar, sondyqtan barynsha saqtyq sharalaryn qabyldaý qajet.
“Aldyn ala boljamdarǵa sáikes, biyl qys qarly bolady dep kútilýde. Osyǵan bailanysty biz eń qiyn stsenariige daiyndyq júrgizip jatyrmyz. Oqý-jattyǵýlarda da jaǵdaidyń eń aýyr stsenarii boiynsha qalai órbitinin jan-jaqty qarastyramyz. Soǵan sáikes áreket etemiz”, – dedi TJM ókili Kýrsivke bergen jaýabynda.
Sózinshe, ministrlik barlyq táýekeldi eskerip, aldyn alý sharalaryn kúsheitýdi jalǵastyryp jatyr.
Eske sala keteiik, ótken jyly elimizdiń birneshe óńirinde sý tasyp, ondaǵan aýdanda tótenshe jaǵdai jariialandy. Olardyń qatarynda Atyraý, Batys Qazaqstan, Soltústik Qazaqstan, Qostanai oblystary boldy. Reseidiń Or qalasynda dambynyń jarylýy qosymsha qiyndyq týǵyzǵan.
Al Atyraý oblysy Jylyoi aýdany Qulsary qalasyndaǵy jaǵdai nasyrǵa shaýyp, adam shyǵyny tirkeldi. Munda 3 myńǵa jýyq úi sý astynda qalǵany habarlanǵan edi. Bul — Qazaqstannyń Tótenshe jaǵdailar ministrligi keltirgen derek.
Sý tasqynyń saldaryn joiýǵa 231 tehnika, 1198 jeke quram, 18 júzý quraly, 19 birlik motopompa jumyldyrylǵan bolatyn.
Atyraý oblysy Qulsary qalasynan jalpy sany 33 641 adam kóshirildi jáne 201 ýaqytsha ornalasý oryndary daiyndaldy.
Jalpy sany 84 qońyraý túsip, 173 adam qutqaryldy, onyń ishinde 15-i bala. 248 mal basy jáne 27 úi janýarlary qaýipsiz oryndarǵa kóshirildi.
