Biyl Jetisý oblysynda jańartylǵan energiia kózderin damytý baǵytynda quny 21,6 mlrd teńge bolatyn 4 jobany aiaqtaý josparlanyp otyr. Olar Kóksý, Eskeldi jáne Sarqan aýdandarynda iske asyrylady, – dep habarlaidy Dalanews.kz Jetisý oblysy ákiminiń baspasóz qyzmetine silteme jasap.
Jetisý oblystyq energetika jáne turǵyn úi-kommýnaldyq sharýashylyǵy basqarmasynyń málimetine qaraǵanda, aimaq kóleminde elektr energiiasynyń belgilengen qýaty 234,5 MVt, iaǵni jańartylǵan energiia kózderinen – 210,5 MVt, Tekeli qalasynyń JEO – 24 MVt.
Máselen, ótken jyly elektr energiiasyn tutyný 1,9 mlrd kVt*saǵatty qurasa, sonyń ishinde elektr energiiasynyń jergilikti óndirisi – 630,5 mln kVt*saǵ bolǵan, al 1,3 mlrd kVt*saǵat basqalardan satyp alyndy.
Bul rette jańartylatyn energiia kózderinen óndirgen elektr energiiasynyń kólemi 472,6 mln kVt*saǵ nemese óz óndirisimizdiń 75% úlesin quraidy.
– Búgingi tańda belgilengen qýaty 210,5 MVt jańartylatyn energiia kózderiniń 15 nysany jumys isteidi. Olar Aqsý, Eskeldi, Sarqan, Alakól aýdandary men Tekeli qalasynda ornalasqan. Sol siiaqty biyl osy baǵyttaǵy 4 jobany aiaqtaý kózdelip otyr. Atap aitqanda, Kóksý aýdanynda 7 MVt-tyq 1 GES , Eskeldi aýdanynda qýaty 26 MVt 1 GES jáne Sarqan aýdanynda jalpy qýaty 13,1 MVt 2 GES salynýda. Olardyń belgilengen qýaty 46,1 MVt, jalpy quny 21,6 mlrd teńge, – delingen basqarmanyń habarlamasynda.
