Biyl oblysta alǵash ret úsh sport túrinen «Jetisý Ligasy» oblystyq balalar týrniri ótedi. Bul týraly búgin óńir basshysy Beibit Isabaev jumys saparymen Kóksý aýdanyna baryp, ortalyq stadionda aýyldyń jas fýtbolshylarmen, sondai-aq «Jetisý» kásibi fýtbol klýbynyń komandasymen jáne jattyqtyrýshylar quramymen kezdesken kezinde aitty, dep habarlaidy Dalanews.kz
Eske salsaq, IV Ulttyq quryltaida Memleket basshysy elimizdegi fýtbol infraqurylymyn damytýdyń jáne balalardyń sportpen shuǵyldanýyna jaǵdai jasaýdyń mańyzdylyǵyn atap ótken bolatyn. Osyǵan bailanysty biyldan bastap oblys ákiminiń bastamasymen óńirde jyl saiyn úsh sport túrinen: fýtbol, voleibol, basketboldan oblystyq balalar týrnirin ótkizý jóninde sheshim qabyldandy. Qazirgi kezde oblys boiynsha 560 komandadan ótinimder kelip túsken. Fýtboldan jarysqa 10-15 jas aralyǵyndaǵy uldar, al voleibol men basketboldan 12-15 jas aralyǵyndaǵy qyzdar komandalary qatysady. Irikteý kezeńi 19 sáýirde bastalady, al finaldyq oiyndar maýsym aiyna josparlanǵan. Oiyndardyń qorytyndysyna qarai fýtboldan 3 jas erekshelikteri boiynsha júldeli oryn alǵan 90 bala, voleibol men basketboldan júldeli oryndy ielengen 60 bala oblystyq kezeńniń jeńimpazy atanady dep kútilýde. Syilyq retinde jeńimpazdarǵa sporttyq kiimder men tegin doptar, sondai-aq balalar lagerlerine demalýǵa joldamalar beriledi. Basty atap óterligi – týrnirge niet bildirgen kez-kelgen aýla jáne mektep komandalary qatysady.
- Biyldan bastap biz fýtbolǵa basa nazar aýdaryp, sporttyń úsh túrinen oblystyq balalar týrnirin ótkize bastaimyz. Aldaryńyzǵa maqsat qoiyńyzdar, soǵan talpynyńyzdar, biz sizderge árqashan kómektesemiz, qoldaimyz. Qazirdiń ózinde kásibi fýtbolshylar jattyǵatyn stadionda jattyǵyp júrsizder. Bala kúninen sportpen shuǵyldanǵan óte jaqsy, bul sizderdi erte bastan shyńdaidy. Jaqsy oinap, jeńiske umtylyńyzdar, - dep óńir basshysy balalarǵa jańa fýtbol doptaryn taratty.
Budan soń «Jetisý» fýtbol klýbynyń bas bapkeri Samat Smaqovpen, oiynshylarmen áńgimelesken oblys ákimi aldaǵy maýsymnyń josparlaryn talqylap, el chempionatynyń ótken 4-týrynda komanda jaqsy tehnika kórsetkenimen, klýbqa jasalyp otyrǵan qoldaýlarǵa qaramastan, jankúierlerdi nátijeli oiynymen qýanta almaǵanyn aitty. Osyǵan bailanysty óńir basshysy oiyn deńgeiin kóterýge erekshe nazar aýdarý qajettigin atap ótti.
S. Smaqovtyń aitýynsha, komanda quramy 90%-ǵa jańartyldy, negizgi quramnyń jasaqtalǵanyna 2,5 ai ýaqyt bolǵan:
- Bizdiń komanda Premer-Ligadaǵy eń jas komandalardyń biri, oiynshylardyń ortasha jasy – 25-26 jas, biraq qai-qaisynyń da áleýeti bar. Ázirge kútken nátije kórsete alǵan joqpyz, biraq ýaqytymyz bar. Biz qazir oiynshylardyń psihologiialyq daiyndyǵyna erekshe nazar aýdaryp jatyrmyz, jeńimpazdardyń komandalyq rýhyn qalyptastyramyz. Nátije shyǵarady dep komandaǵa senemin, - dedi bas jattyqtyrýshy.
Klýb oiynshylarynyń biri pikir bólisip:
- Men sporttaǵy qadamymdy 2014 jyly Tekelide fýtbolmen shuǵyldanýdan bastadym. Kásibi fýtbolǵa 2021 jyly keldim. «Jetisý» komandasynyń negizgi jáne dýbldik quramasynda oinadym. Sodan keiin meni reseilik fýtbol komandasyna shaqyrdy. Ózimizdiń «Jetisý» klýbyna shaqyrylǵan kezde qýana-qýana qaityp oraldym. Aldymyzda el chempionatynda keminde 7-orynǵa turaqtaý mindeti tur. Oǵan jetý úshin barlyq múmkindikterimiz bar dep sanaimyn. Óz tarapymnan bar kúsh-jigerimdi jumsaimyn, - dep atap ótti «Jetisý» PFK-nyń ortalyq jartylai qorǵaýshysy David Esimbekov.
Atap ótsek, oblystyń aýdandary men qalalarynda 639 fýtbol sektsiiasy jumys isteidi, sonyń 455-i - aýyldyq jerlerde. Bul sektsiialarǵa 63 483 adam qatysady.
Sonymen qatar óńirde 9 balalar men jasóspirimder sport mektebinde jáne «Jetisý» fýtbol ortalyǵynda 2120 bala sportpen ainalysady. Oblystyń bilim berý uiymdarynda sabaqtan tys jumystar aiasynda 397 sektsiiada 9548 bala únemi fýtboldan sheberligin arttyrýda. Taǵy 273 bala memlekettik tapsyrys aiasynda tegin sektsiialarǵa barady. Sondai-aq óńirde «Jetisý fýtbol klýbtary» qoǵamdyq qory jumys isteidi.
Jalpy Jetisý oblysynyń aýmaǵynda fýtbolmen ainalysýǵa laiyqtalǵan 13 stadion, 350 fýtbol alańy jumys isteidi, sonyń 285-i aýyldyq jerlerde ornalasqan.
