Biyl Jetisaida 28 shaqyrym jol jóndeldi
Sondai-aq, jalpy uzyndyǵy 22 shaqyrymdyq 24 ishki kóshe orta jóndeýden ótkizildi. Oǵan 262 mln teńge jergilikti biýdjetten bólinip, qazirgi tańda jol jóndeý jumystary tolyǵymen aiaqtalǵan. Sonymen qatar, oblystyq biýdjetten bólingen qarjyǵa Shardara men Jetisai aýdandaryn qosatyn jalpy uzyndyǵy 1,84 shaqyrymdy quraityn avtomobil jolyna qaita qurý jumystary júrgizildi. Bul nysannyń smetalyq quny 240 mln 931 myń teńgeni quraidy. Qazirgi tańda mundaǵy qaita qurý jumystary aiaqtalyp, paidalanýǵa berildi.
Jalpy, 2018 jyly aýdandyq mańyzy bar jáne ishki kóshelerdiń qaita qurý, kúrdeli jáne orta jóndeý jumystaryna 731 mln 036 myń teńge bólinip, aýdan boiynsha 28 shaqyrym joldar jaqsy jaǵdaiǵa jetti.
Biylǵy jyly respýblikalyq mańyzy bar «Jyzaq-Gagarin-Jetisai-Qyzylásker-Saryaǵash-Jibek joly» avtomobil jolynda 2 kópir kúrdeli jóndeýden ótti. Bul maqsatqa 255 mln 681 myń teńge jumsaldy. Taǵydai aita tússek, Jetisai qalasyndaǵy bazar mańynan 130 mln 867 myń teńgege jer ústi jaiaý júrginshi aspa kópiri ornatylyp, el igiligine berildi.
