سونداي-اق، جالپى ۇزىندىعى 22 شاقىرىمدىق 24 ىشكى كوشە ورتا جوندەۋدەن وتكىزىلدى. وعان 262 ملن تەڭگە جەرگىلىكتى بيۋدجەتتەن ءبولىنىپ، قازىرگى تاڭدا جول جوندەۋ جۇمىستارى تولىعىمەن اياقتالعان. سونىمەن قاتار، وبلىستىق بيۋدجەتتەن بولىنگەن قارجىعا شاردارا مەن جەتىساي اۋداندارىن قوساتىن جالپى ۇزىندىعى 1،84 شاقىرىمدى قۇرايتىن اۆتوموبيل جولىنا قايتا قۇرۋ جۇمىستارى جۇرگىزىلدى. بۇل نىساننىڭ سمەتالىق قۇنى 240 ملن 931 مىڭ تەڭگەنى قۇرايدى. قازىرگى تاڭدا مۇنداعى قايتا قۇرۋ جۇمىستارى اياقتالىپ، پايدالانۋعا بەرىلدى.
جالپى، 2018 جىلى اۋداندىق ماڭىزى بار جانە ىشكى كوشەلەردىڭ قايتا قۇرۋ، كۇردەلى جانە ورتا جوندەۋ جۇمىستارىنا 731 ملن 036 مىڭ تەڭگە ءبولىنىپ، اۋدان بويىنشا 28 شاقىرىم جولدار جاقسى جاعدايعا جەتتى.
بيىلعى جىلى رەسپۋبليكالىق ماڭىزى بار «جىزاق-گاگارين-جەتىساي-قىزىلاسكەر-سارىاعاش-جىبەك جولى» اۆتوموبيل جولىندا 2 كوپىر كۇردەلى جوندەۋدەن ءوتتى. بۇل ماقساتقا 255 ملن 681 مىڭ تەڭگە جۇمسالدى. تاعىداي ايتا تۇسسەك، جەتىساي قالاسىنداعى بازار ماڭىنان 130 ملن 867 مىڭ تەڭگەگە جەر ءۇستى جاياۋ جۇرگىنشى اسپا كوپىرى ورناتىلىپ، ەل يگىلىگىنە بەرىلدى.
