Elorda ákimdigi 2021 jyldyń sońyna deıin 50-den astam turǵyn úı qurylysyn aıaqtaýdy josparlap otyr. Bul taǵyda 7 myń úleskerge páter kiltin tapsyrýǵa múmkindik beredi, – dep habarlaıdy Dalanews.kz qalalyq ákimdiktiń resmı saıtyna silteme jasap.

Aıta ketý kerek, 2019 jyldyń jazynda elordada 52 problemalyq nysan bolatyn. Sol jyly 10 problemaly qurylys aıaqtaldy.

– 2020 jyldyń qorytyndysy boıynsha 14 nysanda 20 úıdiń máselesi sheshildi. 2723 úlesker óz páteriniń kiltin aldy. Ákimdiktiń ýákiletti uıymy «Elorda qurylys kompanıasy» 2021 jyly 18 nysanda 57 úıdiń qurylysyn aıaqtaýdy josparlap otyr. Bul shamamen 7 myń úlesker, – dedi «Elorda qurylys kompanıasy» JSHS Basqarýshy dırektory Maqsat Shaıahmetov.

Qalǵan uzaq qurylystardy aıaqtaý 2021-2023 jyldar ishinde josparlanyp otyr.

Árbir problemalyq nysan boıynsha kezeń kezeńimen iske asatyn is-sharalar jospary jasaldy.

https://www.youtube.com/watch?v=dD7IbRUVnNk