Birinshi: 27 qańtarda 2022 jylǵy Qańtar oqıǵalary kezinde bılikti kúshpen basyp alýǵa áreket jasaý isi boıynsha sot prosesi aıaqtaldy. Nátıjesinde QR UQK Besinshi departamentiniń burynǵy basshysy Rýslan Ysqaqov 15,5 jylǵa, al uıymdasqan qylmystyq toptyń jetekshisi Arman Jumageldıev 20 jylǵa bas bostandyǵynan aıyryldy.

Ekinshi: 13–14 naýryzda Aqmola oblysyndaǵy Býrabaı kentinde Qazaqstan Respýblıkasy Prezıdenti janyndaǵy Ulttyq quryltaıdyń tórtinshi otyrysy ótti.

Parlament senatynyń depýtaty Bıbigúl Jeksenbaı tórtinshi Ulttyq quryltaı týraly pikir bildirip, túıindi sheshimder týraly aıtty. 

Úshinshi: 21 sáýirde Shymkent qalasy ákiminiń orynbasary Rýslan Berdenovke qastandyq jasaldy.

Keıin sot Ernar Jıenbaıdy kináli dep tanyp, 9 jylǵa bas bostandyǵynan aıyrǵan. Berdenov 29 tamyzda ákim orynbasary qyzmetinen ketken bolatyn.

Tórtinshi: 30 maýsymda Sybaılas jemqorlyqqa qarsy is-qımyl agenttigi (Antıkor qyzmet) Ulttyq qaýipsizdik komıtetine qosý arqyly qaıta uıymdastyryldy.

Prezıdent "Memlekettik basqarý júıesin jetildirý jónindegi sharalar týraly" jarlyqqa qol qoıdy.

Besinshi: 30 maýsymda «Quqyqbuzýshylyqtardyń profılaktıkasy týraly» zańǵa ózgerister engizilip, qoǵamdyq oryndarda betti tanýǵa kedergi keltiretin kıim túrlerin, sonyń ishinde nıkab pen párenjeni kıýge tyıym salyndy.

Dalanews.kz tilshisine suhbat bergen áleýmettaný ǵylymdarynyń kandıdaty Talǵat Jaqıanov bul sheshimniń qajettiligine toqtalyp, onyń tek quqyqtyq emes, sonymen qatar áleýmettik jáne mádenı negizderi bar ekenin atap ótti. 

Altynshy: 8 qyrkúıekte Prezıdent Qasym-Jomart Toqaev «Qazaqstan jasandy ıntellekt dáýirinde: ózekti mindetter jáne olardy sıfrlyq transformasıa arqyly sheshý» atty Qazaqstan halqyna Joldaýyn jarıalap, 2027 jyly parlamenttik reforma júrgiziletinin málimdedi.

Jetinshi: 5 qarashada Prezıdent Jarlyǵymen «Qazaqstan Respýblıkasynyń ishki saıasatynyń negizgi qaǵıdattary, qundylyqtary men baǵyttary» atty qujat bekitildi.

Segizinshi: Qazan jáne jeltoqsan aılarynda Parlamenttik reforma jónindegi Jumys toby qurylyp, eki otyrysy ótti.

Toǵyzynshy: Qyrkúıek–jeltoqsan aılarynda Orda.kz ınternet-basylymy men onyń bas redaktory Gúlnar Bajkenovaǵa qatysty daýly jaǵdaı týyndady («ORDAgeıt»).

Onynshy: 18 jeltoqsanda Parlament Senaty «Arhıv isi jáne quqyqqa qaıshy kontenttiń taralýyn shekteý máseleleri boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» zańdy maquldady. Atalǵan qujat LGBT nasıhatyna tyıym salýdy kózdeıdi (zań Prezıdenttiń qol qoıýyna joldandy).