ءبىرىنشى: 27 قاڭتاردا 2022 جىلعى قاڭتار وقيعالارى كەزىندە بيلىكتى كۇشپەن باسىپ الۋعا ارەكەت جاساۋ ءىسى بويىنشا سوت پروسەسى اياقتالدى. ناتيجەسىندە ق ر ۇقك بەسىنشى دەپارتامەنتىنىڭ بۇرىنعى باسشىسى رۋسلان ىسقاقوۆ 15،5 جىلعا، ال ۇيىمداسقان قىلمىستىق توپتىڭ جەتەكشىسى ارمان جۇماگەلدييەۆ 20 جىلعا باس بوستاندىعىنان ايىرىلدى.

ەكىنشى: 13–14 ناۋرىزدا اقمولا وبلىسىنداعى بۋراباي كەنتىندە قازاقستان رەسپۋبليكاسى پرەزيدەنتى جانىنداعى ۇلتتىق قۇرىلتايدىڭ ءتورتىنشى وتىرىسى ءوتتى.

پارلامەنت سەناتىنىڭ دەپۋتاتى بيبىگۇل جەكسەنباي ءتورتىنشى ۇلتتىق قۇرىلتاي تۋرالى پىكىر ءبىلدىرىپ، ءتۇيىندى شەشىمدەر تۋرالى ايتتى. 

ءۇشىنشى: 21 ساۋىردە شىمكەنت قالاسى اكىمىنىڭ ورىنباسارى رۋسلان بەردەنوۆكە قاستاندىق جاسالدى.

كەيىن سوت ەرنار جيەنبايدى كىنالى دەپ تانىپ، 9 جىلعا باس بوستاندىعىنان ايىرعان. بەردەنوۆ 29 تامىزدا اكىم ورىنباسارى قىزمەتىنەن كەتكەن بولاتىن.

ءتورتىنشى: 30 ماۋسىمدا سىبايلاس جەمقورلىققا قارسى ءىس-قيمىل اگەنتتىگى (انتيكور قىزمەت) ۇلتتىق قاۋىپسىزدىك كوميتەتىنە قوسۋ ارقىلى قايتا ۇيىمداستىرىلدى.

پرەزيدەنت "مەملەكەتتىك باسقارۋ جۇيەسىن جەتىلدىرۋ جونىندەگى شارالار تۋرالى" جارلىققا قول قويدى.

بەسىنشى: 30 ماۋسىمدا «قۇقىقبۇزۋشىلىقتاردىڭ پروفيلاكتيكاسى تۋرالى» زاڭعا وزگەرىستەر ەنگىزىلىپ، قوعامدىق ورىنداردا بەتتى تانۋعا كەدەرگى كەلتىرەتىن كيىم تۇرلەرىن، سونىڭ ىشىندە نيكاب پەن پارەنجەنى كيۋگە تىيىم سالىندى.

Dalanews.kz تىلشىسىنە سۇحبات بەرگەن الەۋمەتتانۋ عىلىمدارىنىڭ كانديداتى تالعات جاقيانوۆ بۇل شەشىمنىڭ قاجەتتىلىگىنە توقتالىپ، ونىڭ تەك قۇقىقتىق ەمەس، سونىمەن قاتار الەۋمەتتىك جانە مادەني نەگىزدەرى بار ەكەنىن اتاپ ءوتتى. 

التىنشى: 8 قىركۇيەكتە پرەزيدەنت قاسىم-جومارت توقايەۆ «قازاقستان جاساندى ينتەللەكت داۋىرىندە: وزەكتى مىندەتتەر جانە ولاردى سيفرلىق ترانسفورماسيا ارقىلى شەشۋ» اتتى قازاقستان حالقىنا جولداۋىن جاريالاپ، 2027 جىلى پارلامەنتتىك رەفورما جۇرگىزىلەتىنىن مالىمدەدى.

جەتىنشى: 5 قاراشادا پرەزيدەنت جارلىعىمەن «قازاقستان رەسپۋبليكاسىنىڭ ىشكى ساياساتىنىڭ نەگىزگى قاعيداتتارى، قۇندىلىقتارى مەن باعىتتارى» اتتى قۇجات بەكىتىلدى.

سەگىزىنشى: قازان جانە جەلتوقسان ايلارىندا پارلامەنتتىك رەفورما جونىندەگى جۇمىس توبى قۇرىلىپ، ەكى وتىرىسى ءوتتى.

توعىزىنشى: قىركۇيەك–جەلتوقسان ايلارىندا Orda.kz ينتەرنەت-باسىلىمى مەن ونىڭ باس رەداكتورى گۇلنار باجكەنوۆاعا قاتىستى داۋلى جاعداي تۋىندادى («ORDAگەيت»).

ونىنشى: 18 جەلتوقساندا پارلامەنت سەناتى «ارحيۆ ءىسى جانە قۇقىققا قايشى كونتەنتتىڭ تارالۋىن شەكتەۋ ماسەلەلەرى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭدى ماقۇلدادى. اتالعان قۇجات لگبت ناسيحاتىنا تىيىم سالۋدى كوزدەيدى (زاڭ پرەزيدەنتتىڭ قول قويۋىنا جولداندى).