Biyl Almatyda 150 obekti múmkindigi shekteýli jandardyń erkin qozǵalýyna beiimdelgen
Almatyda 53,7 myńnan astam múmkindigi shekteýli adam turady. Ońaltýdyń jeke baǵdarlamasy boiynsha olardyń barlyǵy ońaltý men áleýmettik qyzmetterge tehnikalyq quraldarmen aqysyz qamtamasyz etilgen. Bul maqsattarǵa 5,6 mlrd teńge qarastyrylǵan.
– Biyl áleýmettik qyzmetter portaly engizildi, onda múgedekter respýblika boiynsha jetkizýshilerden qajetti taýarlar men qyzmetter túrin óz betinshe tańdai alady. Múgedekterdiń tilekterine sáikes qymbat turatyn taýarlardy tańdaǵanda qosymsha tólem jasaý fýnktsiiasy bar tehnikalyq quraldardyń belgilengen qunyn óteý mehanizmi qarastyrylǵan. Jyl basynan beri 16 800 múgedekke ońaltý, qozǵalys quraldary, tiflo-sýrdo tehnikalyq quraldar men gigienalyq quraldar berildi, – dedi Nazira Toǵyzbaeva.
Sonymen qatar, 5 myń múgedek ońaltý qyzmetimen qamtyldy. Olar ymdaý tili mamandarymen, jeke kómekshilermen qamtamasyz etilgen, sonymen qatar kýrorttyq emdelýge jiberilgen.
Qozǵalýy qiyn múgedekter men múgedek balalarǵa «Invataksi» kóliginiń aqysyz qyzmeti usynylady. Bul qyzmetti ai saiyn 1 500 múgedek pen 357 múmkindigi shekteýli bala paidalanady. Aita ketsek, Almatyda «Ońai» júiesi ornatylǵan 39 «Invataksi» avtokóligi bar.
Nazira Toǵyzbaeva qalada múgedekterdiń áleýmettik infraqurylymǵa qoljetimdiligin qamtamasyz etý boiynsha, onyń ishinde nysandardy sertifikattaý men beiimdeý jumystary júrgizilip jatqanyn basa aitty. 2021 jyly 180 obekt sertifikattaldy, 150 obekt beiimdeldi.
Áleýmettik ál-aýqat basqarmasynyń basshysy múmkindigi shekteýli jandardy qoldaý úshin qurylǵan. «TenQogam» áleýmettik qoldaý ortalyǵy týraly da aitty. Ortalyq mamandary quqyqtyq, psihologiialyq qyzmet kórsetedi, sonymen qatar áleýmettik, pedagogikalyq jáne tárbielik máselelerdi sheshýge kómektesedi, treningter men vebinarlar ótkizedi.
– Múgedektikke bailanysty qorqynysh pen belgisizdikti joiýǵa baǵyttalǵan «Táýelsiz ómir mektebi» jobasyn iske asyrý jalǵasýda. Bul mektepte olar ózin-ózi baǵalaýdy arttyrýǵa jáne qajetti daǵdylardy qalyptastyrýǵa kómektesedi. Biyl erekshe qajettilikteri bar 80 azamat 6 jattyqtyrýshymen bir aptalyq kýrstan ótti. Kýrstar aiaqtalǵannan keiin keńse bazasynda 21 kúndik sheberlik sabaqtary jalǵasýda, – dedi N. Toǵyzbaeva.
Mekteptiń ereksheligi, mundaǵy jattyqtyrýshylar – túrli problemalardy jeńgen múmkindigi shekteýli jandar.
