Biyl Almaty oblysyndaǵy egistik alqaptarynyń kólemi 427,7 myń gektarǵa jetkiziletin bolady, bul 2024 jylmen salystyrǵanda 3,8 myń gektarǵa kóp,- dep habarlaidy Dalanews.kz
Negizgi ósim dándi jáne jem-shóp daqyldaryna tiesili. Kóktemgi jer jyrtý jáne ylǵal jabý jumystary 357,2 myń gektar aýmaqta josparlanǵan. Ósimdik sharýashylyǵy salasyn qoldaýǵa biyl jergilikti biýdjetten 3,4 mlrd. teńge qarajat bólindi. Qarajat tuqym sharýashylyǵyn damytýǵa, basym daqyldardy qoldaýǵa jáne tyńaitqyshtardy sýbsidiialaýǵa baǵyttalady. Sýarmaly sý qunyn arzandatýǵa 750 mln teńge bólindi.
Sonymen qatar, «Keń dala» baǵdarlamasy aiasynda agrarshylarǵa 15,7 mlrd teńge jeńildetilgen nesie bólindi, búginde «Agrarlyq Nesie Korporatsiiasy» AQ-na 1,3 mlrd. teńgege 36 sharýashylyq ótinimin ótkizgen. Qazirgi ýaqytta Almaty oblysynda kóktemgi egis jumystaryna daiyndyq qyzý júrip jatyr, fermerler qajetti tuqym qorymen qamtylǵan. Jeńildetilgen baǵamen, iaǵni litri 250 teńgeden 4 650 tonna dizel otyny bólindi, munai bazalarynan alý 20 naýryzda bastalady.
«Oblysta 16,0 myń tonna mineraldy tyńaitqysh alynyp, qosymsha 77 sharýashylyq «QazAzot» AQ-men 1334 tonna tyńaitqyshqa kelisim-shartqa otyrǵan (Eńbekshiqazaq – 53 sharýashylyq 1097 tonnnaǵa, Uiǵyr – 22 sharýashylyq 164 tonnaǵa, Ile – 2 sharýashylyq 73 tonnaǵa). Jalpy biyl mineraldy tyńaitqyshty qoldaný kólemi 25%-ǵa ulǵaiyp, 60,8 myń tonnaǵa jetkizý josparlanýda. Biz aýyl sharýashylyǵy jerlerin tiimdi paidalanýǵa kúsh salýdamyz. Bul topyraq qunarlylyǵyn saqtai otyryp, ónimdilikti arttyrýǵa múmkindik beredi», – dedi Almaty oblysynyń ákimi Marat Sultanǵaziev.
Aýyl sharýashylyǵy tehnikasyn jańartý mańyzdy másele bolyp qala bermek. Qazirgi tańda oblystaǵy tehnikanyń 58%-y 25 jyldan astam ýaqyt boiy paidalanylyp keledi. Osyǵan bailanysty, biyl 665 jańa aýyl sharýashylyǵy tehnikasyn lizingke alý kózdelýde. Fermerler úshin qolaily jaǵdai jasaý basty maqsattardyń biri bolyp tabylady.
Sý únemdeý tehnologiialaryn engizý qarqyny tómen. 2024 jyly josparlanǵan 70,5 myń gektardyń ornyna tek 43,6 myń gektarǵa ǵana engizildi. 2025 jyly bul kórsetkishti 93,6 myń gektarǵa jetkizý jáne jobalardyń oryndalýyn qatań baqylaý josparlanyp otyr. Baqylaýdy kúsheitip, agrarshylarǵa sýdyń tapshylyǵyn eńserýge kómektesý úshin qosymsha qarajat bólindi.
2024 jyly oblystyń aýyl sharýashylyǵyna quiylǵan investitsiialar kólemi 25,1 mlrd teńgege jetip, bir jyl ishinde 41,2%-ǵa artty.
Azyq-túlik óndirisine salynǵan qarjy 19,2 mlrd teńgeni qurady. Investitsiialardyń ósýi agrarlyq sektordyń tartymdylyǵy artyp kele jatqanyn kórsetedi. Jergilikti bilik fermerlerdi resýrstarmen, qarjylandyrýmen jáne infraqurylymmen qamtamasyz etti, endi usynylǵan qoldaýdy tiimdi paidalanyp, egis naýqanyn tabysty ótkizý qajet.
