Almaty oblysynyń ákimdigi Esik kólindegi bógetti memleket menshigine qaitaryp jatyr, dep habarlaidy dalanews.kz.
Óńir ákimdigi investordyń nysandy qaýipsiz paidalaný jáne jańǵyrtý jobasyn iske asyrý jónindegi mindetin oryndamaýyna bailanysty Esik kólindegi bóget boiynsha Habel JShS-men jasalǵan senimgerlik basqarý shartyn buzǵan.
Esik kólindegi bóget, oǵan irgeles jatqan aýmaǵy 140 gektardan asatyn strategiialyq mańyzy bar gidrotehnikalyq nysan uzaq jyl boiy kúrdeli jańǵyrtý men keshendi qalpyna keltirý jumystaryn qajet etip tur. Sondyqtan 2024 jyldyń sońynda ashyq tender qorytyndysy boiynsha bóget pen oǵan irgeles aýmaq satyp alý quqyǵynsyz 49 jyl merzimge Habel seriktestigine senimgerlik basqarýǵa berilgen.
Alaida júrgizilgen tekseris nátijesinde shart talaptary saqtalmaǵany anyqtaldy.
"Qazir nysandy memleket menshigine qaitarý jumystary júrgizilip jatyr. Nysanǵa qatysty aldaǵy sheshimder qaýipsizdik talaptary men memlekettik múddeni eskere otyryp qabyldanady", - dep jazylǵan habarlamada.
