Áleýmettik jelilerde Almaty oblysy Qarasai aýdanyna qarasty Turar aýylynda bir top jigittiń kóshede tóbelesken sáti túsirilgen video tarady, dep habarlaidy dalanews.kz.
Tóbeles barysynda sýyq qarý qoldanylǵany aitylady. Oqiǵaǵa qatysty Almaty oblystyq politsiia departamenti túsinikteme berdi.
Politsiia málimetinshe, buzaqylyq deregi boiynsha qylmystyq ister qozǵalyp, kúdiktiler ýaqytsha ustaý izoliatoryna qamalǵan.
Vedomstvonyń habarlaýynsha, 1 mamyr kúni Qarasai aýdanyndaǵy Turar aýylynyń turǵyny pyshaq jaraqatymen aýrýhanaǵa júgingen. Belgili bolǵandai, ol jaraqatty týǵan kúndi atap ótý kezinde jergilikti turǵyndar arasynda týyndaǵan turmystyq janjal kezinde alǵan. Qazirgi ýaqytta qylmystyq ister eki tarapqa qatysty tergelip jatyr.
Sonymen qatar, oqiǵaǵa qatysqandardyń kólikteri aiyppul turaǵyna qoiylǵan.
