2026 jyly respýblikalyq biýdjetten áleýmettik-eńbek salasyna 6 trln 833 mlrd teńge qarastyrylǵan. Bul ótken jylmen salystyrǵanda 15,1%-ǵa nemese 897,7 mlrd teńgege kóp, dep habarlaidy Dalanews.kz.
"Jalpy alǵanda, 2026 jyly áleýmettik-eńbek salasyna arnalǵan respýblikalyq biýdjet shyǵyndary 6 trln 833 mlrd teńge kóleminde josparlanyp otyr. Bul 2025 jylǵy kórsetkishten 15,1%-ǵa nemese 897,7 mlrd teńgege artyq. Áleýmettik-eńbek salasyna arnalǵan shyǵyndardyń úlesi JIÓ-ge shaqqanda – 3,7%, al respýblikalyq biýdjet kólemine shaqqanda – 24,6% bolady", – delingen Eńbek jáne halyqty áleýmettik qorǵaý ministrligi taratqan habarlamada.
Vedomstvonyń dereginshe, josparlanǵan qarajattyń 99,3%-y (6 trln 783 mlrd teńge) azamattarǵa áleýmettik tólemderge baǵyttalady. Onyń ishinde:
- 4 trln 890 mlrd teńge zeinetaqy tólemderine bólinedi – bul 2,6 mln zeinetkerdi qamtýǵa múmkindik beredi;
- 1 trln 893 mlrd teńge barlyq túrdegi járdemaqylardy qarjylandyrýǵa jumsalady, olar shamamen 2,3 mln adamdy qamtityn bolady.
Qarajattyń qalǵan bóligi:
- múgedektigi bar adamdarǵa kórsetiletin qyzmetterge,
- protezdik-ortopediialyq kómekke,
- estý qabileti buzylǵan balalardy sóileý-estý jaǵynan ońaltýǵa,
- ońaltý ortalyqtaryn salýǵa,
- zeinetaqy men járdemaqy tólemderin uiymdastyrý protsesterin qamtamasyz etýge jáne ózge de baǵyttarǵa baǵyttalady.
"Qazirgi tańda respýblikalyq biýdjet esebinen bazalyq jáne yntymaqty zeinetaqyny qosa alǵanda, 41 túrli áleýmettik tólem júzege asyrylady. 2025 jyly járdemaqy men zeinetaqy tóleýge 5 trln 858 mlrd teńge bólinip, 4,6 mln adamdy qamtydy. Onyń ishinde shamamen 2,5 mln zeinetker jáne 2,1 mln astam memlekettik járdemaqy alýshy bar. Eńbek jáne halyqty áleýmettik qorǵaý ministrligi óz mindettemelerin tolyq ári ýaqytyly oryndady", – dep atap ótti vedomstvo.
