Kúrshim men Samar aýdandaryn jalǵap turǵan qos jolaqty bul avtomobil kópiri - Qazaqstandaǵy eń uzyn kópir.Shyǵysqazaqstandyqtar kópten kútken tarihi sát – kópirdiń ashylýy 20 qazanǵa josparlanǵan, dep habarlaidy Dalanews.kz.
Kópirdiń ashylýy alty aýdannyń turǵyndary úshin asa mańyzy. Óitkeni ony aimaq jurtshylyǵy jarty ǵasyrdan astam ýaqyttan beri kútken. Memleket basshysynyń 2019 jylǵy tikelei tapsyrmasynan keiin tiisti qarajat bólinip, 2021 jyldyń aqpanynda kópirdiń qurylys jumystary bastalǵan bolatyn. Biyl 20 qazanda Buqtyrma sý qoimasy arqyly ótetin eldegi eń uzin kópir saltanatty túrde ashylmaq. Onyń uzyndyǵy – 1316 metr, al ótkizý múmkindigi táýligine 80 myń kólikke deiin jetedi.
Eger búgingi tańda kezek kútý ýaqytyn eseptemegende, sý qoimasy arqyly parommen avtokólikter 40 minýtta kelesi jaǵalaýǵa jetip júrse, endi sý qoimasyn eki-aq minýtta kesip ótedi.
- Kópirdiń ashylýyna orai halyqtyq mereke uiymdastyrylady. 30-ǵa jýyq kiiz úi tigilip, mádeni-sporttyq is-sharalar ótedi: arqan tartý, qazaq kúresi, aýdaryspaq, jaiaý júgirý jarysy, qol kúresi, arqan tartý. Qazaqtanǵa tanymal óner juldyzdarynyń qatysýymen kontsert usynylyp, aq túieniń qarny jarylǵan dúbirli toiǵa súiinshilep kelgen jurtqa as beriledi. Toi saǵat 10.00-de jańa kópirdiń Kúrshim aýdany jaǵalaýynda bastalady, - dep habarlady Kúrshim aýdanynyń ákimdigi.
