كۇرشىم مەن سامار اۋداندارىن جالعاپ تۇرعان قوس جولاقتى بۇل اۆتوموبيل كوپىرى - قازاقستانداعى ەڭ ۇزىن كوپىر.شىعىسقازاقستاندىقتار كوپتەن كۇتكەن تاريحي ءسات – كوپىردىڭ اشىلۋى 20 قازانعا جوسپارلانعان، دەپ حابارلايدى Dalanews.kz.
كوپىردىڭ اشىلۋى التى اۋداننىڭ تۇرعىندارى ءۇشىن اسا ماڭىزى. ويتكەنى ونى ايماق جۇرتشىلىعى جارتى عاسىردان استام ۋاقىتتان بەرى كۇتكەن. مەملەكەت باسشىسىنىڭ 2019 جىلعى تىكەلەي تاپسىرماسىنان كەيىن ءتيىستى قاراجات ءبولىنىپ، 2021 جىلدىڭ اقپانىندا كوپىردىڭ قۇرىلىس جۇمىستارى باستالعان بولاتىن. بيىل 20 قازاندا بۇقتىرما سۋ قويماسى ارقىلى وتەتىن ەلدەگى ەڭ ءۇزىن كوپىر سالتاناتتى تۇردە اشىلماق. ونىڭ ۇزىندىعى – 1316 مەتر، ال وتكىزۋ مۇمكىندىگى تاۋلىگىنە 80 مىڭ كولىككە دەيىن جەتەدى.
ەگەر بۇگىنگى تاڭدا كەزەك كۇتۋ ۋاقىتىن ەسەپتەمەگەندە، سۋ قويماسى ارقىلى پاروممەن اۆتوكولىكتەر 40 مينۋتتا كەلەسى جاعالاۋعا جەتىپ جۇرسە، ەندى سۋ قويماسىن ەكى-اق مينۋتتا كەسىپ وتەدى.
- كوپىردىڭ اشىلۋىنا وراي حالىقتىق مەرەكە ۇيىمداستىرىلادى. 30-عا جۋىق كيىز ءۇي تىگىلىپ، مادەني-سپورتتىق ءىس-شارالار وتەدى: ارقان تارتۋ، قازاق كۇرەسى، اۋدارىسپاق، جاياۋ جۇگىرۋ جارىسى، قول كۇرەسى، ارقان تارتۋ. قازاقتانعا تانىمال ونەر جۇلدىزدارىنىڭ قاتىسۋىمەن كونسەرت ۇسىنىلىپ، اق تۇيەنىڭ قارنى جارىلعان ءدۇبىرلى تويعا سۇيىنشىلەپ كەلگەن جۇرتقا اس بەرىلەدى. توي ساعات 10.00-دە جاڭا كوپىردىڭ كۇرشىم اۋدانى جاعالاۋىندا باستالادى، - دەپ حابارلادى كۇرشىم اۋدانىنىڭ اكىمدىگى.
