ShQO-da kólik aǵashqa soǵylyp, úsh jigit qaza tapty, dep habarlaidy dalanews.kz.
Adam ólimine ákelgen qaiǵyly jol apaty Shyǵys Qazaqstan oblysyndaǵy Pervomaiskii kentinde boldy.
Kýágerlerdiń aitýynsha, jeńil kólik aǵashqa soǵylǵan. Apat saldarynan úsh jas jigit kóz jumyp, bir adam ǵana aman qalǵan.
Qutqarýshylarǵa qaza tapqandar men zardap shekken adamdy kólikten shyǵarý úshin kómek kórsetýge týra kelgen.
Kent ákimdigi bolǵan oqiǵaǵa bailanysty marqumdardyń jaqyndaryna kóńil aitty.
«Bizdiń kentte sumdyq qaiǵyly jaǵdai boldy — úsh jas jigit qaza tapty. Ata-analaryna, týǵan-týystaryna, jaqyndaryna jáne bul qaiǵyny bólisip otyrǵan barsha janǵa shyn júrekten kóńil aitamyz. Oryn tolmas qazaǵa sabyr men tózim tileimiz», — dep habarlady kent ákimdigi.
Sondai-aq ákimdik ata-analardy balalarymen joldaǵy qaýipsizdik týraly jii sóilesýge shaqyrdy.
