ШҚО-да көлік ағашқа соғылып, үш жігіт қаза тапты, деп хабарлайды dalanews.kz.
Адам өліміне әкелген қайғылы жол апаты Шығыс Қазақстан облысындағы Первомайский кентінде болды.
Куәгерлердің айтуынша, жеңіл көлік ағашқа соғылған. Апат салдарынан үш жас жігіт көз жұмып, бір адам ғана аман қалған.
Құтқарушыларға қаза тапқандар мен зардап шеккен адамды көліктен шығару үшін көмек көрсетуге тура келген.
Кент әкімдігі болған оқиғаға байланысты марқұмдардың жақындарына көңіл айтты.
«Біздің кентте сұмдық қайғылы жағдай болды — үш жас жігіт қаза тапты. Ата-аналарына, туған-туыстарына, жақындарына және бұл қайғыны бөлісіп отырған барша жанға шын жүректен көңіл айтамыз. Орын толмас қазаға сабыр мен төзім тілейміз», — деп хабарлады кент әкімдігі.
Сондай-ақ әкімдік ата-аналарды балаларымен жолдағы қауіпсіздік туралы жиі сөйлесуге шақырды.
