Óskemende jolaýshylar kópiri opyryldy. Oqys oqiǵa 7 mamyr kúni saǵat 20:30 shamasynda Óskemen qalasyndaǵy Karbyshev kóshesinde bolǵan, dep habarlaidy dalanews.kz.
Oqiǵa kezinde kópir ústinde 8 adam, onyń ishinde tórt kámeletke tolmaǵan jasóspirim bolǵan. Oqiǵa ornyna jedel túrde tótenshe jaǵdailar qyzmeti men jedel járdem brigadasy jetti. Zardap shekkender dárigerlerdiń tekserýinen ótti. Aýyr jaraqattar tirkelgen joq, tek jeńil syrylý men kógerý anyqtaldy.
Qazirgi ýaqytta zardap shekkenderdiń barlyǵyna qajetti meditsinalyq kómek kórsetilip jatyr. Jaǵdai Shyǵys Qazaqstan oblystyq densaýlyq saqtaý basqarmasynyń baqylaýynda.
Aldyn ala málimet boiynsha, oqiǵaǵa balalardyń kópirdi terbetip oinaýy sebep bolǵan. Kámeletke tolmaǵandar konstrýktsiiany shaiqaǵandaryn moiyndaǵan, sonyń saldarynan kópir tósemine zaqym kelgen. Qazirgi ýaqytta kópir kelýshiler úshin ýaqytsha jabylady.
