Qoǵamda "Nýrikamal" filmine qatysty túrli pikir bar. Al AmalBooks baspasynyń negizin qalaýshy, baspager Baqytjan Buqarbai filmdi synap tastady, - dep habarlaidy Dalanews.kz.
Onyń sózinshe, ánniń ózi, shyǵý tarihy unamaidy, buǵan sebep bar.
"Nurikamal" kinosy týraly kóp jazyp ketti. Baratyn da, qaraityn da oi joq. Óitkeni áni unamaidy. Naqtyraq aitsa, shyǵý tarihy unamaidy. Úsh balanyń ákesi Nurikamal esimdi jas kelinshekke ǵashyq bolyp qalady.
Al aqyn áieli bolsa onyń bul mahabbatyn qoldap, kúieýiniń atynan álgi kelinshekke arnap óleń joldaryn jazyp beripti. Muny áiel danalyǵy dep kótermeleýge tyrysýda. Keibireýler shyǵarmashylyq úshin otbasyn nege qurbandyqqa shalmasqa dep, muny erlikke telidi eken. Bul mysaldy dáripteitinderdi túsine almadym", - dedi ol.
AmalBooks baspasynyń negizin qalaýshy "mundai hikaialar kúlli qazaqqa úlgi bolmaýǵa tiis" degen pikirde.
"Qazaqtar, senderge ne bolǵan? Kúieýiniń tirligin jeke basym satqyndyq dep qabyldaimyn. Áieli men bala-shaǵa aldyndaǵy erkektiń jaýapkershiligi qaida qaldy sonda? Óz basym mundai azamattardy túsinbeimin. Al aqyn áieldiń tirliginde eshqandai danalyqty baiqap turǵanym joq. Keiin úsheýi jaqsy aralasyp ketti dep jazyp jatyr.
Bir otbasy sheńberindegi mundai qarym-qatynastar búkil ultqa úlgi bolmaýy tiis dep oilaimyn. Iá, ómir bolǵan soń ártúrli jaǵdai bolady. Biraq bárin dáripteý qajet emes", - dedi baspager.
Aita keteiik, 7 qarashadan bastap kinoteatrlarda "Nýrikamal" filmi kórsetile bastady. Oǵan el arasynda keńinen taralǵan áigili ánniń tarihy arqaý bolǵan.
Al "Nýrikamal" ániniń sózin jazǵan áigili aqyn - Hanbibi Esenqaraqyzy.
