Kórisý kúni - Naýryznama onkúndigi bastaý alatyn igi mereke. Ol naýryzdyń 14-ine týra keledi, dep habarlaidy Dalanews.kz.
Búgin Qazaqstanda Naýryz merekesine arnalǵan Naýryznama onkúndigi bastaldy. Onyń alǵashqy kúni - Kórisý kúni. Ony Amal merekesi dep te ataidy. Bul - adamdar bir-birimen júzdesip, jyly lebiz aityp, úlkenderge qurmet kórsetip, qoǵamdaǵy ózara túsinistik pen syilastyqty nyǵaitatyn erekshe kún.
Kórisý kúni Naýryzdyń bastalýyn bildirip qana qoimai, adamdardyń bir-birine degen yqylasyn arttyryp, urpaqtar sabaqtastyǵyn saqtaýǵa jáne rýhani-mádeni qundylyqtardy dáripteýge úndeidi. Bul kúni qoǵamdaǵy mańyzdy qaǵidalar – úlkenge qurmet, jaqyndarǵa qamqorlyq kórinis tabady.
Kórisý kúniniń máni tek merekelik kúnmen shektelmeidi. Ol adamdarǵa jyly sózdiń, shynaiy qarym-qatynastyń jáne adamgershilik qundylyqtardyń mańyzyn eske salady. Dál osyndai igi nietten jańarý men jasampazdyqtyń, birliktiń merekesi bastaý alady.
