Qazaqstan qor bırjasynda (KASE) 2025 jylǵy 6 naýryzda saǵat 15:30-da shetel valútalary boıynsha kúndizgi saýda-sattyq toqtatyldy. Onyń qorytyndysy boıynsha 1 AQSH dollarynyń ortasha baǵamy 495,95 teńgeni qurap, bir táýlikte taǵy 0,71 teńgege azdap arzandady, dep habarlaıdy Dalanews.kz.

Munaıdyń álemdik naryqtaǵy baǵasy osymen úshinshi kún qatarynan quldyraýda. 

ICE Futures elektrondyq saýda bırjasynda Brent markaly munaıdyń sáýir fúchersteriniń quny 0,13%-ǵa tómendep, 1 barreli 69,21 dollardy qurady. 

NYMEX elektrondy saýda bırjasynda WTI markaly munaıdyń sáýir fúchersteriniń quny 0,5%-ǵa arzandap, 1 barreli 66,28 dollar boldy. 

Tańerteń Ulttyq bank bekitken 1 AQSH dollarynyń resmı baǵamy 496,71 teńge bolǵan edi.

6 naýryzda aqsha aıyrbas oryndaryndaǵy valúta baǵamdary tómendegideı:

Astana

• 1 AQSH dollary: satý – 494 teńge, satyp alý – 500 teńge.
• 1 evro: satý – 527 teńge, satyp alý – 534  teńge.
• 1 rúbl: satý – 5,6 teńge, satyp alý - 5,7 teńge.

Almaty

• 1 AQSH dollary: satý - 495,9 teńge, satyp alý – 498,9 teńge.
• 1 evro: satý – 528,5 teńge, satyp alý – 534,5 teńge.
• 1 rúbl: satý – 5,45 teńge, satyp alý - 5,59 teńge.

Shymkent

• 1 AQSH dollary: satý – 495 teńge, satyp alý – 498 teńge.
• 1 evro: satý – 528 teńge, satyp alý – 537 teńge.
• 1 rúbl: satý – 5,6 teńge, satyp alý - 5,7 teńge.

Aıta ketsek, osy aıda teńgege shaqqanda amerıkalyq valúta baǵamy 17 aqpanda eń tómengi shegin ıgergen edi. Ol kezde 1 AQSH dollary 495,28 teńge boldy. Sondaı-aq buǵan deıin Qazaqstan qarjygerleri qaýymdastyǵynyń 2025 jylǵy sáýir aıyna, sondaı-aq jyl sońynda 1 AQSH dollary qunyna qatysty boljamyn jarıalaǵan bolatynbyz.