Búgin - ál-Farabi atyndaǵy Qazaq ulttyq ýniversitetiniń qurylǵan kúni. Elimizdegi jetekshi joǵary oqý oryndarynyń biri 92 jyldan beri otandyq bilim men ǵylymnyń damýyna eleýli úles qosyp keledi, dep habarlaidy Dalanews.kz.
Ál-Farabi atyndaǵy QazUÝ-dyń negizi 1934 jyly qalandy. Alǵashqyda Qazaq memlekettik ýniversiteti retinde ashylǵan. Ár jyldary oqý ornynyń mártebesi ósip, 2001 jyly ýniversitetke uly oishyl Ál-Farabidiń esimi berildi. Al 2010 jyly joǵary oqý ornyna ulttyq ýniversitet mártebesi bekitildi.
Búginde QazUÝ halyqaralyq reitingterge engen. Bul - myńdaǵan stýdent pen jas ǵalymnyń bilim alyp, ǵylymi zertteý júrgizetin irgeli oqý ordasy. Ýniversitet túlekteri eldiń túrli salasynda eńbek etip, qoǵam damýyna óz úlesin qosyp júr.
