بٷگٸن - ەل-فارابي اتىنداعى قازاق ۇلتتىق ۋنيۆەرسيتەتٸنٸڭ قۇرىلعان كٷنٸ. ەلٸمٸزدەگٸ جەتەكشٸ جوعارى وقۋ ورىندارىنىڭ بٸرٸ 92 جىلدان بەرٸ وتاندىق بٸلٸم مەن عىلىمنىڭ دامۋىنا ەلەۋلٸ ٷلەس قوسىپ كەلەدٸ, دەپ حابارلايدى Dalanews.kz.
ەل-فارابي اتىنداعى قازۇۋ-دىڭ نەگٸزٸ 1934 جىلى قالاندى. العاشقىدا قازاق مەملەكەتتٸك ۋنيۆەرسيتەتٸ رەتٸندە اشىلعان. ەر جىلدارى وقۋ ورنىنىڭ مەرتەبەسٸ ٶسٸپ, 2001 جىلى ۋنيۆەرسيتەتكە ۇلى ويشىل ەل-فارابيدٸڭ ەسٸمٸ بەرٸلدٸ. ال 2010 جىلى جوعارى وقۋ ورنىنا ۇلتتىق ۋنيۆەرسيتەت مەرتەبەسٸ بەكٸتٸلدٸ.
بٷگٸندە قازۇۋ حالىقارالىق رەيتينگتەرگە ەنگەن. بۇل - مىڭداعان ستۋدەنت پەن جاس عالىمنىڭ بٸلٸم الىپ, عىلىمي زەرتتەۋ جٷرگٸزەتٸن ٸرگەلٸ وقۋ ورداسى. ۋنيۆەرسيتەت تٷلەكتەرٸ ەلدٸڭ تٷرلٸ سالاسىندا ەڭبەك ەتٸپ, قوعام دامۋىنا ٶز ٷلەسٸن قوسىپ جٷر.
