Qazaqstanda valiýta aiyrbasy operatsiialaryna qatysty jańa shekteýler engizilmek. Osyndai ózgerister Qarjy naryǵyn retteý jáne damytý agenttigi (QNRDA) ázirlegen qaýly jobasynda qamtylǵan, dep habarlaidy Dalanews.kz.
"Qolma-qolma aqshasyz valiýta aiyrbasyn jasaýǵa litsenziiasy bar brokerlerge endi shetel valiýtasyn satyp alýǵa tyiym salynbaq, tek bir jaǵdaidan bólek. Bul tyiym baǵaly qaǵazdar satyp alý maqsatynda shetel valiýtasyn qoldanýǵa áser etpeidi" dep atalǵan máselege Qazaqstan minoritarlyq aktsionerler qaýymdastyǵy (QAMS) basa nazar aýdartady.
Bul shara valiýta naryǵynda aqsha baǵamyna jáne Ulttyq Banktiń aqsha-nesie saiasatyna qosymsha qysym túsiretin valiýta naryǵyndaǵy spekýliatsiiamen bailanysty táýekelderdi tómendetý maqsatynda usynylyp jatqany da aitylady.
Al Telegram-daǵy Finmentor arnasy jańa valiýtalyq shekteýler tek brokerlerdi qamtitynyn, onyń bankterge esh qatysy joqtyǵyn naqtylaidy. Sóitken olar bul shara banktik lobbizmge kóbirek uqsaidy dep topshylaidy.
Jańa shekteýler valiýtamen jumys isteýge litsenziiasy bar brokerler aldyna banktermen salystyrǵanda teń emes sharttardy alǵa tartady:
- bankter valiýtamen bailanysty operatsiialardy eshqandai shekteýsiz erkin júrgizedi.
- brokerlerge valiýtany tek baǵaly qaǵazdardy satyp alý úshin paidalanýǵa ruqsat etiledi.
"Nelikten spekýliatsiialyq táýekelderi aýyzdyqtaý sharasy brokerlerge ǵana qatysty qoldanylady, biraq bankter nege odan tysqary qalady? Túptep kelgende, osyndai operatsiialardyń eń kóp kólemin jasaityn jáne júielik táýekelderdi moinyna jii alatyn bankter emes pe? Negizinde, mundaida valiýtalyq operatsiialardy júzege asyrýǵa litsenziiasy bar broker litsenziiasy joq brokermen teń bolyp qalmaidy ma? Sonda litsenziianyń ne keregi bar?", dep atalǵan arna avtory Arman Bataev ortaǵa saýal tastaidy.
Onyń pikirinshe, bul sharadan týyndaityn saldar qazirden aiqyn:
- valiýta naryǵy ótimdiliginiń tómendeýi,
- bankterdiń paidasyna qarai monopolizatsiialaý kóleminiń artýy,
- tutynýshylar tańdaýynyń shektelýi.
"Mundai retteý sharalary beitaraptyq qaǵidatyn buzady jáne bank sektorynyń lobbizmine kóbirek uqsaidy. Onyń valiýta naryǵynda aqsha baǵamyna jáne Ulttyq Banktiń aqsha-nesie saiasatyna qosymsha túsiretin valiýta naryǵyndaǵy spekýliatsiiamen bailanysty táýekelderdi tómendetý maqsatynda usynylyp jatqany da aitylady. Biraq spekýlianttar "qorqynyshyna" qatysty mynany da aita ketkimiz keledi: spekýlianttardyń qor naryǵynda bolýy únemi jaman degendi bildirmeidi. Olardyń bolýy, kerisinshe, qosymsha ótimdilikti, "spredterdiń" qysqa bolýyn, ádil baǵanyń qalyptasýyn týdyrady. Alypsatarlar, árdaiym naryqta aqsha taba bermeidi, olar kóbinese aqsha da joǵaltady", - deidi ol.
Buǵan deiin dollar qymbattap, psihologiialyq shekti igergenin jazǵanbyz. Al sarapshylar teńgeniń shamadan tys álsireýi importtyq taýarlardyń qunyna teris áser etýi jáne infliatsiialyq protsesterdiń artýyna ákelip soǵýy múmkin ekenin boljaidy.
