Brazılıada Aqtaýda apatqa ushyraǵan ushaqtyń qara jáshikterin taldaý aıaqtaldy, dep habarlaıdy Dalanews.kz.

Brazılıalyq BAQ-tyń málimetinshe, eldiń áýe kúshteri Embraer ushaǵynyń qara jáshikterin taldaýdy aıaqtap, materıaldardy Qazaqstanǵa jiberedi. Materıaldy Brazılıanyń úsh tergeýshisi, sondaı-aq Ázerbaıjan men Reseıdiń agentteri taldaǵan.

Apatty taldaýǵa jáne tergeýge jaýapty mekeme qara jáshiktegi materıaldardy qazaqstandyq avıasıalyq apattardy tergeý organyna jiberedi jáne apat týraly qorytyndy esep jarıalanady.

Aıta keteıik, 2024 jyly 25 jeltoqsanda jergilikti ýaqyt boıynsha 11.30-da Aqtaý mańynda Bakýden Groznyıǵa ushyp bara jatqan ushaq apatqa ushyrady. Bul - Azerbaijan Airlines áýekompanıasyna tıesili Embraer 190 ushaǵy.

Aqparat boıynsha ushaq bortynda 67 adam, onyń ishinde 5 ekıpaj múshesi bolǵan.

Apattan 6 qazaqstandyq kóz jumdy. Jalpy qaza tapqandar sany — 38. Qaıǵyly oqıǵadan 29 adam aman qaldy.

Qaıǵyly oqıǵadan keıin Ázerbaıjanda Jalpyulttyq aza tutý kúni jarıalandy. Túste búkil el boıynsha memlekettik týlar túsirilip, kólikter toqtady. Ázerbaıjandyqtar qaza tapqandardy bir mınýt únsizdikpen eske aldy.

Keıinirek Chıkago konvensıasynyń 13-qosymshasyna sáıkes Qazaqstan Ázerbaıjan men Reseıdiń avıasıalyq organdarymen aqyldasqan soń, QR Kólik mınıstri Marat Qarabaev basqaratyn komısıa Embraer ushaǵynyń qara jáshigin Brazılıadaǵy CENIPA ortalyǵyna jiberý týraly sheshim qabyldady.