Batys Qazaqstan oblysynda mektep, aýrýhana siiaqty áleýmettik mańyzy bar nysandardy salýǵa arnalǵan memlekettik satyp alýlardyń bir top merdigerdiń ainalasynda shoǵyrlanýy qoǵamda suraq týdyryp otyr, dep habarlaidy Dalanews.kz.
Ashyq derekkózdegi hattamalardy taldaý kórsetkendei, BQO qurylys basqarmasyn basqaratyn Nurken Moldashev basshylyq etetin júie ondaǵan milliard teńgeni birqatar kompaniia arasynda bólip kelgen. Ásirese iri nysandardyń jii jaǵdaida benefitsiary shetel azamaty bolyp tabylatyn kompaniialarǵa berilýi kózge túsedi, dep jazady Arasha.kz.
Iri tenderlerdiń basym bóligi bir kompaniiada
Derekterge qaraǵanda, BQO ákimi Nariman Tóreǵaliev jetekshilik etip otyrǵan kezeńde ótken iri tenderlerdiń ortaq sipaty aiqyndala bastaǵan.
Máselen, tek biyldyń ózinde Aqsai qalasynda Bórli aýdandyq aýrýhanasyna japsarlas statsionar salý jobasy biýdjetke 3,9 mlrd teńge túsken. №80435243-KRBS1 loty boiynsha jeńimpaz - «ALTAIR» JShS, josparly soma - 3 906 305 435 teńge. Hattamaǵa sáikes, kompaniianyń benefitsiary - Resei azamaty Aleksandr Andreevich Potichenko.
Bilim berý nysandary da «tanys» kompaniialarǵa berilip jatyr
Taldaý bilim berý obektilerine arnalǵan tenderlerdiń de tar sheńberdegi firmalar arasynda úlestiriletinin kórsetedi.
Úlken Shaǵan aýylyndaǵy 420 oryndyq mektep - 2,26 mlrd teńge. №80056331-KRBS1 loty boiynsha jeńimpaz - «Bolashaq – T» JShS. Ekinshi orynda - qaitadan «ALTAIR».
Bórli aýylynda 900 oryndyq mektep qurylysy - josparly soma 4,09 mlrd teńgeden asady. Jeńimpaz - «ALTAIR» JShS. Ekinshi oryn - «Altair-SK 7» JShS.
Volodarskoe aýylyndaǵy 308 oryndyq mektep - shamamen 2,23 mlrd teńge. Taǵy da «ALTAIR» jeńip shyqqan, ekinshi orynda - «SKF Otdelstroi» JShS.
5,9 mlrd teńgelik aýrýhana rekonstrýktsiiasynda da tanys firmalar
BQO Kaztalov aýdandyq aýrýhanasyn rekonstrýktsiialaý jobasy - quny 5,9 mlrd teńgege baǵalanǵan eń qymbat tenderdiń biri. Jeńimpaz «MIR-A Construction» JShS bolǵanymen, finalǵa shyqqandar arasynda taǵy da «ALTAIR» bar - iaǵni negizgi básekelester qatarynan túspei keledi.
Jalpy alǵanda, memlekettik tapsyrys birneshe kompaniianyń ainalasynda ainalyp, milliardtaǵan teńgeniń bir baǵytqa shoǵyrlanýyna sebep bolyp otyr.
Básekelestik bar, biraq suraq kóp
Qujattarda tájiribe, salyq tólemderi, litsenziialar jáne ornalasqan jer sekildi talaptar tolyq kórsetilgenimen, óńir turǵyndary úshin basty suraq ashyq kúiinde qalyp otyr:
Nelikten BQO-daǵy mektep, aýrýhana siiaqty mańyzdy nysandardyń qurylysy únemi bir top kompaniianyń qolyna beriledi? Onyń ishinde benefitsiary shetel azamaty bolatyn firmalar nege jii alǵa shyǵady?
Bul jaǵdai avtomatty túrde zań buzýshylyqty bildirmeidi. Alaida birdei kompaniialardyń qaita-qaita jeńiske jetýi, tenderler kóleminiń iri bolýy jáne qarjynyń shoǵyrlanýy - qoǵam tarapynan ashyq baqylaýdyń mańyzyn kúsheitedi.
Ásirese áńgime biýdjet esebinen salynatyn áleýmettik infraqurylym týraly bolǵanda, bul taqyryptyń ózektiligi odan saiyn arta túsedi. Qurylys sapasy da, óńir halqynyń ómir sapasy da tikelei osy jobalarǵa bailanysty.
