Tótenshe jaǵdailar vitse-ministri Kegen Tursynbaev BQO-daǵy bes balanyń ólimine qatysty pikir bildirdi. Ol órtke balalar oiyny sebep bolýy múmkin ekenin aitady, dep habarlaidy Dalanews.kz.
"Ókinishke qarai, qaiǵyly oqiǵa boldy. Ol kezde ákesi jumysta bolǵan, anasy esikti syrtynan jaýyp, dúkenge ketken. Balalar oinady ma eken, áiteýir órt shyqqan", - deidi vitse-ministr.
Tursynbaev tótenshelikterdiń ákimdik ókilderimen birge kópbalaly otbasylar, sol sekildi osal topqa jatqyzylatyndardyń shańyraǵynda bolyp, qaýipsizdik sharalary qamtylǵan-qamtylmaǵandyǵy turǵysynda udaiy tekseris júrgizip turatynyn da naqtylady.
"Ótken qyrkúiek aiynda sondai jumys júrgizilgen. Al bul jaǵdaida kópbalaly otbasy bir ai buryn basqa úige kóshken bolyp tur. Al burynǵy úide órtke qarsy qurylǵylar bolǵan. Bertinde kóship kelgeni qaraýsyz úi (tekserý tiziminde bolmaǵan - shamamen) bolǵan soń onda quzyrly mekeme ókilderi bolmaǵan", - deidi óz salasyna qatysty suraqqa ol jaýap bere otyryp.
Aita ketsek, 4 maýsymda Batys Qazaqstan oblysy, Syrym aýdany, Jympity aýylynda jer úi órtenip, bir úidiń 5 balasy kóz jumǵan bolatyn. Batys Qazaqstan oblysynyń ákimi Nariman Tóreǵaliev atalǵan jaǵdaidy óz baqylaýyna alǵanyn málimdedi. Ol ákimdik tarapynan barlyq qajetti kómek kórsetiletinin aitty: jerleý rásimin uiymdastyrý, psihologiialyq kómek kórsetý, baspanamen qamtamasyz etý jáne ózge de áleýmettik qoldaý sharalary. Eńbek jáne áleýmettik qorǵaý vitse-ministri Viktoriia Shegai Batys Qazaqstan oblysynda bolǵan qaiǵyly jaǵdai saldarynan kóz jumǵan bir úidiń 5 balasyna memleket tarapynan 134 myń teńge járdemaqy berilip kelgenin aitty.
