Alakól jaǵalaýynda «Taza Qazaqstan» respýblikalyq baǵdarlamasy sheńberinde «EcoQadam» ekologiialyq forýmy uiymdastyryldy. Forýmnyń negizgi maqsaty – týristik aimaqtyń ekologiialyq tazalyǵyn saqtaý, jastar arasynda ekologiialyq mádenietti damytý jáne qorshaǵan ortany qorǵaýǵa baǵyttalǵan bastamalardy qoldaý, dep habarlaidy dalanews.kz.
Is-shara aiasynda Alakól jaǵalaýynda keń kólemdi tazalyq jumystary uiymdastyryldy. Ekologiialyq aktsiiaǵa 200-ge jýyq jas qatysty. Nátijesinde jaǵalaýdyń 150 gektar aýmaǵy qoqystan tazartylyp, jinalǵan qaldyqtar arnaiy belgilengen oryndarǵa shyǵaryldy. Bul bastama óńirdiń ekologiialyq ahýalyn jaqsartýǵa jáne jastardyń tabiǵatqa degen jaýapkershilik mádenietin arttyrýǵa óz úlesin qosty.
Sonymen qatar, forým aiasynda «Tabiǵi resýrstardy únemdeý mádenietin qalyptastyrý» taqyrybynda seminar-trening ótkizildi. Is-sharaǵa ekobelsendiler, óńirlik jastar resýrstyq ortalyqtarynyń basshylary men mamandary, sondai-aq jastar uiymdarynyń ókilderi qatysty.
Seminar spikerleri - eko-jobalar jetekshisi, turaqty damý boiynsha sarapshy Asyl Oqapova jane Alikhan Bokeikhan University Koldanbaly biologiia kafedrasynyń aǵa oqytýshysy Arai Anýarbekova tabiǵi resýrstardy saqtaýdyń, mańyzdylyǵy, ekologiialyq, saýattylyqty arttyrý joldary jáne árbir azamattyń qorshaǵan orta aldyndaǵy jaýapkershiligi týraly mazmundy aqparatpen bólisti.
Seminar barysynda tabiǵi resýrstardy tiimdi paidalaný, ekologiialyq jaýapkershilikti arttyrý jáne turaqty damý qaǵidattaryn engizý máseleleri talqylandy. Qatysýshylar teoriialyq jáne praktikalyq bólimderge qatysyp, ózara tájiribe almasty.
«EcoQadam» forýmy óńirdegi ekologiialyq mádenietti damytýǵa, jastardyń azamattyq belsendiligin arttyrýǵa jáne tabiǵatty qorǵaý baǵytyndaǵy ortaq bastamalardy kúsheitýge yqpal etetin mańyzdy alań.
