Batys Qazaqstan oblysynda qorshaǵan ortany jańǵyrtýǵa jáne aýmaqtardy abattandyrýǵa baǵyttalǵan «Taza Qazaqstan» respýblikalyq ekologiialyq aktsiiasy jalǵasyp jatyr. Búgin D.Eleýsinov atyndaǵy oqýshylar saraiynda mektep oqýshylarynyń qatysýymen ekologiialyq synyp-saǵaty ótti,- dep habarlaidy Dalanews.kz
«Taza Qazaqstan» respýblikalyq aktsiiasy elimizdiń barlyq óńirlerinde jalǵasyp, jalpyulttyq eko-chellendjge ainaldy. Bul baǵyttaǵy is-sharalarǵa eriktiler men belsendi stýdentter ǵana emes, sonymen qatar ártúrli mekemelerdiń qyzmetkerleri de qatysyp keledi. Ekologiialyq synyp-saǵatymyzdyń maqsaty – salaýatty ekologiialyq sanany qalyptastyrý, qorshaǵan ortany saqtaý qajettiligin óskeleń urpaqqa jetkizý, elimizdiń tazalyǵyna birlesip at salysý», - dedi BQO tabiǵi resýrstar jáne tabiǵat paidalanýdy retteý basqarmasynyń ókili Fariza Sultasheva.
Búgingi tańda sanitarlyq jumystarǵa 148 myńnan astam turǵyn jáne 4 myń mekeme men kásiporyn qatysty. Aktsiia aiasynda 76 myńnan astam aýla, onyń ishinde 2508 kópqabatty úidiń aýmaǵy jáne 74 myńnan astam jeke turǵyn úidiń aýmaǵy jinaldy.
Sondai-aq, 231 saiabaq pen skverdi abattandyrý jumystary júrgizildi, 63 myńnan astam aǵash kóshetteri otyrǵyzyldy, 6 myńnan astam trotýar plitalary jóndeldi. 1221 áleýmettik nysannyń aýmaǵy men 1251 tarihi-mádeni eskertkishtiń aýmaǵy tazartyldy.
Ekologiialyq is-sharalardy ótkizý úshin 1810 birlik tehnika jumyldyryldy, sonyń arqasynda 61 750 tonna qoqys shyǵaryldy. Budan basqa, "Ǵarysh sapary" AQ anyqtaǵan 192 zańsyz qoqys úiindileriniń 158-i joiylyp, qalǵan 34 qoqys úiindisin joiý jumystary jalǵasýda.
